06.06.2026 | 14:11
Հայ շախմատիստների վերջնական արդյունքները կանանց ԵԱ-ում
ԱՄՆ պետքարտուղարի տեղակալը Բայրամովի հետ քննարկել է Լաչինի միջացքի շուրջ իրավիճակը
10.08.2023 | 11:38
Ադրբեջանի ԱԳ նախարար Ջեյհուն Բայրամովը նախօրեին հեռախոսազրույց է ունեցել ԱՄՆ պետքարտուղարի եվրոպական ու եվրասիական հարցերով տեղակալի պաշտոնակատար Յուրի Քիմի հետ։
Ադրբեջանական կողմի հաղորդմամբ՝ կողմերը քննարկել են «երկկողմ համագործակցության օրակարգը, Ադրբեջանի և Հայաստանի միջև հարաբերությունների կարգավորման գործընթացից բխող հարցեր, ինչպես նաև իրավիճակը տարածաշրջանում»։
Բայրամովը Երևանին մեղադրել է իրավիճակը տարածաշրջանում «միտումնավոր սրելու» մեջ՝ հայտարարելով թե, Հայաստանը «խոչընդոտում է խաղաղության գործընթացին տարբեր պատրվակներով, այդ թվում՝ շրջափակման և մարդասիրական ճգնաժամի մասին պնդումներով»։ Բայրամովը նաև դժգոհել է, թե «Հայաստանը շարունակում է սադրանքները Լաչինի միջանցքում տեղադրված ապօրինի անցակետի դեմ, թեպետ այնտեղ ստեղված են բոլոր պայմանները Արցախի հայերի տեղաշարժի համար»։
Նա կրկին պնդել է, թե Արցախը, իբրև թե, շրջափակման մեջ չէ ու նշել, թե «չնայած Ադրբեջանի կողմից Աղդամի ճանապարհի և բեռնափոխադրման այլընտրանքային ուղիների առաջարկին, հայկական կողմը խոչընդոտներ է ստեղծում և հրաժարվում է այդ ճանապարհներով փոխադրումներից»։ Բայրամովը շրջափակման և մարդասիրական իրավիճակի մասին հայկական կողմի հայտարարությունները «քաղաքական շահարկում» է որակել։
Հիշեցնենք, որ ավելի վաղ ամերիկացի պաշտոնյան հեռախոսազրույց էր ունեցել ՀՀ ԱԳ նախարար Արարատ Միրզոյանի հետ։
