13.04.2026 | 12:43
Հայ ծանրորդների մրցելույթների ժամանակացույցը Եվրոպայի առաջնությունում
ՀՅԴ-ն չի մասնակցի Երևանի ավագանու ընտրություններին
Քաղաքականություն
09.08.2023 | 10:53
ՀՅԴ Հայաստանի Գերագույն մարմինը հայտարարություն է տարածել, որով տեղեկացնում է, որ չի մասնակցի Երևանի ավագանու ընտրություններին։
Հայտարարությունը՝ ստորը․
«Սեպտեմբերի 17-ին նախատեսվող Երեւանի ավագանու ընտրությունները տեղի են ունենում Հայաստանի եւ Արցախի Հանրապետությունների, մեր ժողովրդի առջեւ ծառացած բարդ աշխարհաքաղաքական մարտահրավերների եւ սպառնալիքների պայմաններում:
Այս հանգամանքներով պայմանավորված՝ ի սկզբանե ՀՅԴ մոտեցումը եղել է այն, որ ընդդիմությունը Երևանի ավագանու ընտրություններին պետք է մասնակցի մեկ միասնական ցանկով:
Քանի որ նախընթաց շրջանում այս ձևաչափը հնարավոր չեղավ կյանքի կոչել, Հ. Յ. Դաշնակցությունը նպատակահարմար չի գտնում Երևանի ավագանու ընտրություններին առանձնաբար իր համամասնական ցանկի առաջադրումը:
Առաջադրումներից եւ գրանցված թեկնածուների ծրագրերի հրապարակումից հետո հանդես կգանք հավելյալ հայտարարությամբ»։
