24.11.2024 | 10:32
Այս տարի Ավանում 14,000 քմ բակային տարածքներ ազատել ենք ավտոտնակներից և անօրինական շինություններից. Ավինյան․ ՏԵՍԱՆՅՈՒԹ
Ես ո՛չ ընդդիմության ներկայացուցիչ եմ, ո՛չ էլ իշխանության. Տոնոյան․ ՏԵՍԱՆՅՈՒԹ
Քաղաքականություն
01.08.2023 | 14:37
Ազգային ժողովում մեկնարկել է 44-օրյա պատերազմի հանգամանքներն ուսումնասիրող ԱԺ քննիչ հանձնաժողովի նիստը՝ պաշտպանության նախկին նախարար Դավիթ Տոնոյանի մասնակցությամբ։
«Այսօր կա պաշտպանության նախարար, կա գլխավոր շտաբի պետ, իրենք ունեն իրենց մտահղացումներն ու հիմնավորումները, և այն ձեռքբերումները կամ այն բարեփոխումները, որ իրականացնում են, ինձ կարող են դուր գալ կամ դուր չգալ, բայց ես ո՛չ ընդդիմության ներկայացուցիչ եմ, ո՛չ իշխանության։ Ես կարող եմ փորձագիտական մակարդակով փակ նիստի ժամանակ, և կարծում եմ դրա անհրաժեշտությունը կա, ներկայացնել հիմնավորումներ՝ հաշվի առնելով գլխիս եկածը։ Ունեմ լուրջ հիմնավորումներ, թե ինչ է պետք հավելյալ անել»,- նշեց Դավիթ Տոնոյանը։
ԱԺ Քննիչ հանձնաժողովի նիստի ժամանակ պաշտպանության նախկին նախարարը նաև վստահեցրեց, որ հնարավորությունների սահմաններում «Իսկանդեր», «Տոչկա» և այլ զինատեսակները պատերազմի ընթացքում օգտագործվել են։
«Երբ կարողացել են, երբ հնարավորությունները թույլ են տվել, ինչ ձևաչափով թույլ են տվել այդ հնարավորությունները, աշխարհագրական առումով որտեղից թույլ են տվել, «Իսկանդերի», «Տոչկայի», մարտական ինքնաթիռների և անօդաչու թռչող սարքերի կիրառումն իրականացվել է: Թե երբ, որոշում է հրամանատարությունը», – նշեց Տոնոյանը:
Մանրամասները՝ տեսանյութում։
