06.12.2025 | 17:53
Տեսեք, սա մեր լեգիտիմ սահմանն է. Փաշինյանը` Կիրանցի պատի տակ
Շրջակա միջավայրի նախարարությունը Բաքվից գրություն չի ստացել
Քաղաքականություն
21.07.2023 | 13:32
ՀՀ Շրջակա միջավայրի նախարարությունը Բաքվից պաշտոնական նամակ չի ստացել Երասխում կառուցվող մետաղաձուլական գործարանում շինաշխատանքները դադարեցնելու վերաբերյալ։ Այս մասին Factor.am-ին հայտնեց գերատեսչության մամուլի խոսնակ Անի Հակոբյանը։
Հիշեցնենք՝ երեկ ադրբեջանական «Թուրան» գործակալությունը գրել էր, որ Բաքուն պաշտոնապես դիմել է Հայաստանին՝ Երասխում կառուցվող մետաղաձուլական գործարանի շինարարությունը դադարեցնելու պահանջով՝ մինչև հստակեցվի դրա շահագործման հնարավոր ազդեցությունը շրջակա միջավայրի վրա։ «Ջի Թի Բի Սթիլ» ընկերության տնօրինությունն էլ բազմիցս հայտարարել է, որ կառուցվող գործարանը շրջակա միջավայրի համար որևէ վտանգ չի ներկայացնում:
Արտաքին գործերի նախաարարության մամուլի խոսնակ Անի Բադալյանը Factor.am-ին խոստացավ ճշտել՝ արդյոք գերատեսչությունը գրություն ստացել է, իսկ վարչապետի մամուլի խոսնակ Նազելի Բաղդասարյանը երեկվանից մեր զանգերին չի պատասխանում։
«Երբ ՀՀ իշխանությունները դիրքորոշում հայտնեն, բոլորս կիմանանք միանշանակ․ ես ինքս էլ չգիտեմ՝ ինչ դիրքորոշում ունեն, հիմա չեմ փորձի մեկնաբանել ՀՀ ղեկավարության արձագանքը»,- այսօր ավելի վաղ Factor.am-ի հետ զրույցում ասել էր «Ջի Թի Բի Սթիլ» ընկերության տնօրեն Տիրան Հակոբյանը։
Նա ընգդծել էր նաև, որ գործարանում շինաշխատանքները շարունակվում են։
Արփի Հակոբյան
