06.06.2026 | 10:33
Ըստ մեղադրանքի՝ Նորակերտի նախկին ղեկավարը յուրացրել է շուրջ 40 գույք՝ համայնքի հողեր, շենքեր և ավտոմեքենաներ
ԲԴԽ դատավոր անդամ Նաիրա Հովսեփյանը կարծում է, որ դեռ խոսելու ժամանակը չէ․ ՏԵՍԱՆՅՈՒԹ
Քաղաքականություն
19.07.2023 | 20:54
2022 թվականի դեկտեմբերին Բարձրագույն դատական խորհուրդը դադարեցրեց դատավոր Աննա Փիլոսյանի լիազորությունները՝ դատական ակտ ուշացնելու համար: Այս որոշմանը կողմ քվեարկեց նաև ԲԴԽ դատավոր անդամ Նաիրա Հովսեփյանը, որից հետո փաստաբաններ Լուսինե Սահակյանը և Արսեն Բաբայանը հրապարակեցին դատական գործեր, որոնց վերաբերյալ որոշումները տրամադրելը Նաիրա Հովսեփյանն է ուշացրել: Այս հրապարակումների առթիվ Հովսեփյանի նկատմամբ անգամ կարգապահական վարույթ չհարուցվեց:
Այսօր Դատավորների ընդհանուր ժողովից հետո Factor TV-ն Նաիրա Հովսեփյանից հետաքրքվեց՝ անարդարության զգացում չունի՞, որ նմանատիպ արարքի համար իր նկատմամբ անգամ վարույթ չի հարուցվել, իսկ գործընկեր դատավորի լիազորությունները դադարեցվել են:
«Այսօր չեմ խոսելու»,- ասաց Նաիրա Հովսեփյանը:
Նշենք, որ Հովսեփյանը մշտապես է նույն պատասխանն է տալիս՝ այսօր չեմ խոսելու:
Մանրամասները՝ տեսանյութում։
Արաքս Մամուլյան
