02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
ԵՄ ԱԳ նախարարները կքննարկեն Ուկրաինայի պատերազմը, Թուրքիայի հետ հարաբերությունները
Քաղաքականություն
18.07.2023 | 22:00
Բրյուսելում հուլիսի 20-ին ԵՄ անդամ երկրների ԱԳ նախարարները հանդիպում են անցկացնելու։ Արտաքին հարաբերությունների խորհրդի նիստը սկսվելու է Ուկրաինայի դեմ ռուսական ագրեսիայի շուրջ կարծիքների փոխանակմամբ, այնուհետև ԵՄ ԱԳ նախարարները քննարկելու են տնտեսական անվտանգության արտաքին քաղաքական ասպեկտները։
Ըստ հաղորդագրության՝ քննարկում կլինի նաև Թուրքիայի վերաբերյալ և կտեղեկացվի ընթացիկ գործերի մասին։
Նշվում է, որ կեսօրին նախարարները տեսակոնֆերանսի միջոցով ոչ պաշտոնական շփում են ունենալու ԱՄՆ պետքարտուղար Էնթոնի Բլինքենի հետ։
Խորհրդին կնախորդի ոչ պաշտոնական նախաճաշը ՄԱԿ-ի Մարդու իրավունքների գերագույն հանձնակատար Վոլկեր Թյուրքի հետ՝ մարդու իրավունքների համաշխարհային վիճակի մասին քննարկման զուգորդմամբ:
Հավելենք, որ ըստ ադրբեջանական լրատվամիջոցների՝ ԵՄ ԱԳ նախարարները ծրագրում են, ի թիվս այլ հարցերի, քննարկել նաև Հայաստանի և Ադրբեջանի միջև հարաբերությունների կարգավորման գործընթացը։
Էմմա Չոբանյան
