17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Թագուհի Թովմասյանը զրկվեց հանձնաժողովի նախագահի լիազորություններից․ ՔՊ նախագիծն ընդունվեց․ ՏԵՍԱՆՅՈՒԹ
Քաղաքականություն
11.07.2023 | 13:43
Փակ-գաղտնի քվեարկությամբ, իշխող «Քաղաքացիական պայմանագիր» խմբակցությունը զրկեց ընդդիմադիր՝ «Պատիվ ունեմ» խմբակցության պատգամավոր Թագուհի Թովմասյանին՝ ԱԺ Մարդու իրավունքների պաշտպանության հանձնաժողովի նախագահի պաշտոնից։
Ընդդիմադիր խմբակցությունները չէին մասնակցում քվեարկությանը։ «Պատիվ ունեմ» խմբակցությունը նախապես հայտարարել էր, որ բոյկոտում է նիստերը, նոր թեկնածու չի առաջադրելու, իսկ «Հայաստան» խմբակցության քարտուղար Արծվիկ Մինասյանը նիստի ընթացքում է հայտարարել խմբակցութան որոշումը՝ չմասնակցել քննարկմանը, քանի որ այն ապօրինի են համարում:
Փակ գաղտնի քվեարկությանը ԱԺ 107 պատգամավորներից մասնակցել է 64 պատգամավոր, 1 քվեաթերթիկ համարվել է անվավեր, որոշմանը կողմ է քվեարկել 62, դեմ՝ 1 պատգամավոր:
Նշենք, որ հիմնական զեկուցող Հովիկ Աղազարյանը, ներկայացնելով իշխանության հիմնավորումները, նշել էր, թե ընդդիմադիր պատգամավոր Թագուհի Թովմասյանը չի մասնակցել Ազգային ժողովի խորհրդի նիստերին՝ 46 նիստերից բաց թողնելով 38-ը, ինչը բացասաբար է ազդել հանձնաժողովի աշխատանքների վրա։
Իշխանության հիմնավորմամբ, Թովմասյանը նաև անտարբերություն է դրսևորել և չի պաշտապանել մարդու արժանապատվությունը ոտնահարող և վիրավորանք պարունակող հայտարարություններից։
Մանրամասները՝ տեսանյութում։
