25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
«Մեր տղաները հողի համար են ընկել, իրենց հիմա մեկ սանտիմետր տեղ չեն տալիս»․ զինվորի ծնող․ ՏԵՍԱՆՅՈՒԹ
Հասարակություն
26.06.2023 | 19:30
Երևանի փոխքաղաքապետ Տիգրան Ավինյանն այսօր այցելել է «X զորամաս» թանգարան և հանդիպել պատերազմում զոհված զինծառայողների ծնողների հետ։ Հանդիպման պատճառը «X զորամաս» թանգարանի տեղափոխման խնդիրն է։
Պետական որևէ կարգավիճակ չունեցող այս թանգարանը հիմնադրվել է 2010 թվականին, զբաղեցնում է 200 ք․մ․ տարածք։ Այն գտնվում է Ուլնեցի փողոցում՝ Սյունիքի նախկին մարզպետ Սուրիկ Խաչատրյանի առանձնատան հետնամասում։
Թանգարանում զոհված զինծառայողների լուսանկարներ և իրեր են։ Այս բացօթյա թանգարանը, որը կառուցված է խրամատի ձևով, գտնվում է մասնավոր հողատարածքում։ Սեփականատերը ցանկանում է տարածքում շինարարություն սկսել և առաջարկում է տղաների նկարներն ու իրերը տեղափոխել այլ տարածք, որը գնել է իր միջոցներով։
Ծնողները, սակայն, դեմ են։ Նրանք շեշտում են, որ եթե քանդեն պատերին ամրացված նկարներն ու տեղափոխեն, դրանք շարքից դուրս կգան, ինչպես նաև նշում են, որ այս տարածքն այժմ սրբատեղի է և չեն պատրաստվում թույլ տալ իրերի ապամոնտաժումը։
Երևանի փոխքաղաքապետի հետ ծնողները հանդիպեցին՝ հույսով, որ տարածքը կշարունակի ծառայել որպես թանգարան։ Տիգրան Ավինյանը հանձնարարեց Արաբկիր վարչական շրջանի ղեկավարին՝ անշարժ գույքի բաժնի աշխատակիցների հետ քննարկում կազմակերպել՝ որևէ լուծում գտնելու համար։
Մանրամասները՝ տեսանյութում։
Նարեկ Կիրակոսյան
