06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
Խնդրում եմ ամենախիստ ու կոշտ ձևով վերահսկել համատտիրություններին․ Կամո Արեյան․ ՏԵՍԱՆՅՈՒԹ
Տնտեսություն
26.06.2023 | 11:55
2019-2022թթ համայնքային բյուջեի հաշվին ձեռք է բերվել և բազմաբնակարան շենքերում տեղադրվել է 1041 վերելակ։ 2023թ․ մարտի 15-ի ավագանու որոշմամբ՝ այդ 1041 վերելակները անհատույց սեփականության իրավունքով օտարվել են բաժնային սեփականատերին՝ բնակիչներին։ Ի դեմս համատիրությունների՝ կնքնվել է հանձնման ընդունման ակտ։ Այս մասին այսօր Երևանի գործակարգավարական խորհրդակցության ժամանակ նշեց Երևանի քաղաքապետի խորհրդական Կամո Արեյանը՝ անդրադառնալով վերելակների սպասարկումը կանոնակարգելու ուղղությամբ ձեռնարկված աշխատանքներին։
«Վերելակների տեխնիկական շահագործման կանոնակարգերի հսկողությունը իրականացնում է ՆԳՆ Փրկարար ծառայության ՊՈԱԿ-ը։ Վերելակների ընթացիկ սպասարկումն իրականացնում են համատիրությունները։ Պարտադիր նորմերի նկատմամբ հսկողությունը վերապահվում է մեր վարչական շրջանների ղեկավարներին։ Խնդրում եմ ամենախիստ ու կոշտ ձևով վերահսկել համատտիրություններին»,- նշեց Երևանի քաղաքապետի խորհրդականը։
Արեյանը նաև տեղեկացրեց, որ այս տարի հունվարից մայիս վերելակների հետ կապված թեժ գծի ահազանգերի թիվը կազմել է 311, որից 176-ը կապված են եղել մինչև 2019թ․ տեղադրված վերելակների հետ, 135-ը՝ 2019-2023թթ տեղադրված վերելակների հետ։
Մանրամասները՝ տեսանյութում։
