24.11.2024 | 15:26
Ուկրաինան կարող է ավարտել պատերազմը 2025-ին․ Զելենսկին սպասում է Թրամփի առաջարկներին
Եվգենի Պրիգոժինի դեմ հարուցված քրեական գործը կկարճվի. նա կմեկնի Բելառուս. Պեսկով
Քաղաքականություն
25.06.2023 | 10:39
Վագների մասնավոր ռազմական խմբավորման ղեկավար Եվգենի Պրիգոժինի դեմ հարուցված քրեական գործը կկարճվի, լրագրողներին հայտնել է ՌԴ նախագահի մամուլի խոսնակ Դմիտրի Պեսկովը, տեղեկացնում է ՏԱՍՍ-ը։
«Ինքը [Պրիգոժինը] կմեկնի Բելառուս»,- ասել է Կրեմլի խոսնակը։
Միաժամանակ ՌԴ նախագահ Վլադիմիր Պուտինը երաշխավորում է, որ Պրիգոժինը կկարողանա Ռուսաստանից մեկնել Բելառուս, հավելել է Պեսկովը։
«Եթե հարցնեք, թե ինչպիսի երաշխիք, որ Պրիգոժինը կկարողանա մեկնել Բելառուս, սա Ռուսաստանի նախագահի խոսքն է», – ընդգծել է մամուլի քարտուղարը։
Ավելի վաղ Պրիգոժինի Telegram ալիքում հրապարակվել էին նրա հայտարարությունների մի քանի ձայնագրություններ։ Նա պնդում էր, որ իր ստորաբաժանումները իբր հարձակման են ենթարկվել՝ դրա համար մեղադրելով երկրի ռազմական ղեկավարությանը։ ԱԴԾ-ն քրեական գործ է հարուցել ապստամբության հրահրման փաստի առթիվ. Պաշտպանության նախարարությունը կեղծ տեղեկություն է անվանել Վագների թիկունքում գտնվող ճամբարների վրա Ռուսաստանի զինված ուժերի կողմից ենթադրյալ հարձակման մասին։
