19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Ալեքսանդր (Սաշիկ) Սարգսյանը ԱԱԾ-ից ազատ է արձակվել
Հասարակություն
06.07.2018 | 11:14
ՀՀ նախկին նախագահ Սերժ Սարգսյանի եղբայրը՝ Ալեքսանդր Սարգսյանը, որն առավել հայտնի է Սաշիկ անվամբ, հարցաքննվելուց ու առերեսումից հետո ազատ է արձակվել. այս մասին Factor.am-ը տեղեկացավ ԱԱԾ խոսնակ Սամսոն Գալստյանից:
Հիշեցնենք, որ ԱԱԾ-ն ժամեր շարունակ խուզարկություն էր անցկացնում Հայաստանի երրորդ նախագահի եղբոր՝ Ալեքսանդր Սարգսյանին պատկանող Թումանյան 11 հասցեում գտնվող բնակարանում: Երեկ երեկոյան ԱԱԾ-ի տարածած տեսանյութում մանրամասն ներկայացվեց, թե ինչեր են հայտնաբերվել խուզարկության ընթացքում. կային թմրանյութեր, զենքեր, գումար և Մարտիրոս Սարյանի գծանկարները, որոնք, ըստ ԱԱԾ-ի հաղորդագրության հափշտակել է Ալեքսանդր Սարգսյանի որդին՝ Նարեկ Սարգսյանը, ում նկատմամբ հայտարարվել է հետախուզում:
Ալեքսանդր Սարգսյանը ԱԱԾ-ում ասել էր, թե Սարյանի նկարներն ինքն է գնել, բայց առերսեման ժամանակ, տուժողը պնդել էր, որ դրանք իրենից վերցրել է Նարեկ Սարգսյանը:
