ԱՄՆ-ը պետք է կանգնեցնի թուրքական և իսրայելական զենքի վաճառքն Ադրբեջանին․ Էվանսը՝ Կոնգրեսին․ ՏԵՍԱՆՅՈՒԹ

Հունիսի 21-ին Թոմ Լանթոսի Մարդու իրավունքների հանձնաժողովի (TLHRC) լսումների ժամանակ ԱՄՆ Կոնգրեսի անդամներն օրենսդիրների ուշադրությունն են հրավիրել Արցախի քրիստոնյա հայ բնակչության դեմ Ադրբեջանի ցեղասպան գործողությունների վրա:

«Պաշտպանելով Լեռնային Ղարաբաղի ժողովրդին» խորագրով լսումներին մասնակցել են կրոնական ազատությունների հարցով ԱՄՆ նախկին դեսպան, Կանզասի նախկին նահանգապետ Սեմ Բրաունբեքը, Ամերիկյան ձեռնարկատիրության ինստիտուտի (American Enterprise Institute) ավագ վերլուծաբան Մայքլ Ռուբինը, հայ-թուրքական հաշտեցման հանձնաժողովի (TARC) նախկին համակարգող, պաշտոնաթող ամերիկացի դիվանագետ Դեյվիդ Ֆիլիպսը, Հայաստանում ԱՄՆ նախկին դեսպան Ջոն Էվանը և այլք։

ՀՀ-ում ԱՄՆ նախկին դեսպանը լսումների ժամանակ խոսել է Արցախի հայերի հանդեպ ցեղասպանության վտանգի և Ադրբեջանին զենքի մատակարարումները կանխելու անհրաժեշտության մասին։

«Կարծում եմ, որ այսօր մեր խնդիրն է պարզապես մտածել, թե ինչպես պահպանել հայերի կյանքը Ղարաբաղում՝ պոտենցիալ ցեղասպանական սպառնալիքի պայմաններում»,- բացատրել է նախկին դեսպանը:

Էվանսը կոչ է արել ամերիկացի դիվանագետներին «արգելակել թուրքական և իսրայելական զենքի վաճառքը Բաքվին»:

«Մինսկի խմբի բոլոր անդամները՝ բացի Թուրքիայից, որը տեխնիկապես այդ խմբի անդամ է, մնացած բոլորը հիմնականում համաձայնել էին պահպանել ռազմական հավասարակշռությունը Կովկասում։ ՌԴ-ն իսկապես մեծ դերակատարություն է խաղացել երկու կողմերին զինելու հարցում, սակայն երբ իսրայելական և թուրքական բարձր տեխնոլոգիական ԱԹՍ-ներն ու այլ սարքավորումները մտան տարածաշրջան, էլ չնշեմ F-16-ները, սա իսկապես փոխեց իրավիճակն ու մեզ բերեց այնտեղ, որտեղ մենք հիմա ենք»,- ասել է Էվանսը։

Մանրամասները՝ տեսանյութում։

Տաթև Ֆռանգյան