08.10.2026 | 15:39
Ահաբեկչի հանցագործությունը նույնականացվում է սովորական հանցագործության հետ. Յոլյան․ ՏԵՍԱՆՅՈՒԹ
Մոսկվայի քաղաքային դատարանը սկսել է Նավալնիի դեմ նոր գործի քննությունը
Քաղաքականություն
19.06.2023 | 18:54
Մոսկվայի քաղաքային դատարանը սկսել է ըստ էության քննել ընդդիմադիր գործիչ Ալեքսեյ Նավալնիի դեմ հարուցված նոր քրեական գործը։ Նիստն անցկացվում է Վլադիմիրի մարզում՝ թիվ 6 գաղութում, որտեղ քաղաքական գործիչը կրում է իր պատիժը։ Լրագրողներին թույլ չեն տվել մտնել դահլիճ։ Նրանց համար հատուկ սենյակ է առանձնացվել, որտեղ կարող են հեռարձակմամբ հետևել դատական նիստին, փոխանցում է VOA-ն։
Լրագրողներին դժգոհել են ձայնի վատ որակից, տեսահեռարձակման ընդհատումից։ Ընդդիմադիր գործչի ծնողներին նույնպես թույլ չեն տվել նիստերի սրահ մտնել։
Mediazona-ն նշում է, որ Նավալնիի գործերով բոլոր դատական նիստերը բաց են, ինչը նշանակում է, որ ցանկացած մարդ պետք է կարողանա ներկա գտնվել դրանց։
Անցյալ տարի նույնպես լրագրողներին թույլատրվել էր նիստին հետևել միայն հատուկ սենյակում, որտեղ հեռարձակումը պարբերաբար ընդհատվում էր, իսկ քաղաքական գործչի վերջին խոսքում այն անջատվում էր՝ առանց բացատրության։
Նշենք, որ ընդդիմադիր գործչի հետ միասին մեղադրանք է առաջադրվել նաև «Նավալնի Live» յութուբյան ալիքի նախկին տեխնիկական տնօրեն Դանիել Խոլոդնիին։
