24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Չի լինի, եթե մեր կառավարությունը դեմն առնի. Երասխի ղեկավարը` Ադրբեջանի կրակոցների մասին․ ՏԵՍԱՆՅՈՒԹ
Քաղաքականություն
15.06.2023 | 15:57
Արարատի մարզի Երասխ համայնքի վարչական ղեկավար Սարո Այվազյանը վստահեցնում է, որ վերջին երկու օրերին Ադրբեջանի կողմից բնակավայրում կառուցվող գործարանի ուղղությամբ կրակոցների հետևանքով Երասխի բնակիչների շրջանում որևէ խուճապ չկա, գործարանի կառուցման աշխատանքներն էլ նույն տեմպով շարունակվելու են։
Այվազյանն ընդգծեց, որ ադրբեջանցիները Երասխի հատվածում սկսել են կրակել վերջին երկու օրերին, կրակոցները կարճ են տևել՝ 10-15 րոպե, թիրախում եղել է հայ և ամերիկացի գործարարների կողմից կառուցվող մետալուրգիական գործարանը։
«Նրանք ցանկանում են խափանել գործարանի կառուցումը, թույլ չտալ, որ մեր երկրի տնտեսությունը զարգանա։ Հիմնական պատճառը սա է»,- ասաց Երասխ համայնքի վարչական ղեկավարը։
Նրա դիտարկմամբ՝ գործարանի կառուցումը նպատակահարմար է։
Դիտարկմանը, թե այդ դեպքում գործարանն անընդհատ կարող է ադրբեջանական թիրախավորման ներքո լինել, Այվազյանը պատասխանեց․ «Չի կարող նման բան լինել, եթե մեր կառավարությունը դեմն առնի։ Կառավարության և ՊՆ-ի հարցերն են դրանք, ամեն ինչը պետք է պետական մակարդակով արվի»։
Մանրամասները՝ տեսանյոթում։
