19.02.2026 | 15:02
Բագրատ արքեպիսկոպոս Գալստանյանի և մյուսների գործով դատական նիստը. ՈՒՂԻՂ
Երասխում վիրավորում ստացածները Հնդկաստանի քաղաքացիներ են․ ՊՆ-ն հրապարակել է նրանց անունները
Քաղաքականություն
14.06.2023 | 13:21
«Ես տեղեկացա, որ Արարատի մարզպետը ճեպազրույցում ասել է, որ Երասխում վիրավորում ստացած քաղաքացիները հնդիկներ են։ Իսկ թե որ երկրի քաղաքացիներ են, լրացուցիչ այդ մասին կհայտարարենք։
Նրանց առողջական վիճակի մասին առողջապահության նախարարությունը տեղեկություն կտրամադրի, քանի որ վիրավորում ստացած երկու քաղաքացին էլ գտնվում են քաղաքացիական բուժհաստատությունուններում»,- այս մաասին խորհրդարանում կայացած ճեպազրույցի ժամանակ նշեց պաշտպանության նախարարի տեղակալ Արման Սարգսյանը։
Նշենք, որ ՀՀ ՊՆ-ն հաղորդագրություն է տարածել, որի համաձայն՝ այսօր Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ ադրբեջանական կրակի հետևանքով վիրավորում են ստացել գործարանի կառուցման շինարարական աշխատանքներում ներգրավված Հնդկաստանի քաղաքացիներ Մուհամադ Ասիֆը և Միրհասան Սահաջանը։
Հիշեցնենք, որ ՀՀ ՊՆ-ն հաղորդագրություն էր տարածել, ըստ որի՝ Ադրբեջանի պաշտպանության նախարարությունը, 11:30-ի սահմաններում տարածելով ապատեղեկատվություն այն մասին, թե իբր ՀՀ ԶՈՒ-ն կրակ է բացել Երասխի հատվածում տեղակայված ադրբեջանական դիրքերի ուղղությամբ, ստեղծելով տեղեկատվական հիմք, 10-15 րոպե անց՝ ժամը 11:45-ի սահմաններում, նույն ուղղությամբ կրակ է բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ, ինչի հետևանքով վիրավորում են ստացել օտարերկրյա 2 քաղաքացի:
Մանրամասները՝ տեսանյութում։
