06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
Քաղաքական անմեղսունակներին անդրադառնալ պետք չէ․ Արծվիկ Մինասյանը՝ Ալեն Սիմոնյանին․ ՏԵՍԱՆՅՈՒԹ
Քաղաքականություն
13.06.2023 | 16:25
Արդյոք ՀՀ երկրորդ նախագահ Ռոբերտ Քոչարյանի ու ՀՅԴ-ի միջև խնդիրներ կան, ինչպես այսօր հայտնել էր ԱԺ նախագահ Ալեն Սիմոնյանը։ ԱԺ-ում լրագրողների հետ զրույցում անդրադառնալով այս հարցին՝ «Հայաստան» խմբակցության քարտուղար Արծվիկ Մինասյանը նշեց․ «Չկա նման բան, չգիտեմ՝ Ալեն Սիմոնյանը որտեղից է նման տեղեկություններ հայթայթում»։
Անդրադառնալով Ալեն Սիմոնյանի հայտարարությանը ՀՅԴ-ական գործիչ Իշխան սաղաթելյանի վերաբերյալ, Մինասյանը նշեց. «Ես նաև լսեցի վիրավորական արտահայտություն՝ ուղղված Իշխան Սաղաթելյանին։ Ես կարծում եմ՝ քաղաքական անմեղսունակներին շատ անդրադառնալ պետք էլ չի»։
Խոսելով հասարակությանը մոբիլիզացնելու մասին՝ ընդդիմադիր պատգամավորը նշեց, որ խորհրդարանական, արտախորհրդարանական ընդդիմադիր դաշտը հիմա ամեն ինչ պետք է անի միասնական ճակատով հանդես գալու։
«Սա համազգային, համաժողովրդական խնդիր է։ Դրա համար մեր մոտեցումն հետևյալն է՝ որևէ ամբիցիա դնել մի կողմ, համախմբվել՝ կասեցնելու համար, իսկ կասցեման համար շատ ժամանակ չունենք»,- ասաց Մինասյանը։
Մանրամասները՝ տեսանյութում։
