Քաղաքականություն
12.06.2023 | 14:51
Անկարայում նախօրեին տեղացած հորդառատ անձրևը վերածվել է ջրհեղեղի։ Թուրքական լրատվամիջոցների փոխանցմամբ՝ առատ տեղումներից հետո դիտահորերը լցվել են, փողոցներում լճեր են գոյացել, հեղեղվել են բազմաթիվ շինություններ։ Որոշ հատվածներում ջրի մակարդակը հասել է 0,5 մետրի։ Գետնանցումները փակվել են, մի շարք թաղամասերում նույնիսկ փլուզումներ են տեղի ունեցել։
Քաղաքապետարանի ջոկատները միջոցներ են ձեռնարկել մետրոյի կայարաններում հնարավոր հեղեղումները կանխելու համար։ Փրկարարական ջոկատները բազմաթիվ քաղաքացիների օգնել են դուրս գալ արգելափակված մեքենաներից։
Թուրքիայի օդերևութաբանության գլխավոր վարչությունը նախազգուշացրել է, որ Անկարայում այսօր և վաղը ևս սպասվում են տեղումներ։
Էմմա Չոբանյան
