04.10.2026 | 22:31
Եղիշե Մելիքյանը և Իգոչուկվու Իվուն՝ Չեռնոգորիայի հավաքականի դեմ խաղի մասին. ՏԵՍԱՆՅՈՒԹ
Ֆիրդուսիի բնակիչներին ձեռք են առնում, 5000-7000 դոլար արժեցող հողը 217 դոլարով խլում են. Արա Շահումյան․ ՏԵՍԱՆՅՈՒԹ
Հասարակություն
10.06.2023 | 19:33
«Ֆիրդուսիի տների սեփականատերերին պետք է փոխհատուցեք համարժեք, ոչ թե ձեռք առնեք մարդկանց ու ք/մ-ն 5000-7000 դոլար արժեցող հողը 217 դոլարով խլեք, որով անգամ Երևանի ծայրամասերում բնակարան գնել չեն կարող: «Հանրային գերակա շահ» եզրույթը շահարկելով` արկածախնդիրները իրենց օգուտն են ուզում քաղել տարածքից: Դիմում ենք կառավարությանը, դատաիրավական համակարգին, գալու ենք բոլորիդ դռները ծեծենք և պահանջենք պահպանել օրենքի տառը, քաղաքացու սեփականության իրավունքը»,- Factor TV-ի հետ զրույցում նշում է նկարիչ, 33-րդ թաղամասի բնակիչ Արա Շահումյանը, որը, ի տարբերություն թաղամասի մի շարք այլ բնակիչների, չի պատրաստվում ընդունել կառուցապատողների կողմից արվող փոխհատուցումը, եթե այն համարժեք չէ իր սեփականության արժեքին:
Նշենք, որ արդեն երկու շաբաթ է` 33-րդ թաղամասի բնակիչները ստորագրահավաք են նախաձեռնել` պահանջելով թաղամասում գտնվող իրենց տների դիմաց կառուցապատողներից օրինաչափ փոխհատուցում ստանալու նպատակով միջազգային անկախ աուդիտ իրականացնել: Նրանցից ոմանք նաև վերջերս կառավարության դիմաց ակցիա էին իրականացնում` նշելով, որ նույնիսկ մահակներով ու քարերով պաշտպանելու են իրենց սեփականությունը:
Արա Շահումյանի խոսքով` 2018-ի թավշա հեղափոխությունից հետո հանրությունն ակնկալում էր, որ իրեն այլևս չեն կերակրի «հանրային գերակա շահ» եզրույթով. «Հեղափոխությունից հետո մեր հասարակությունը տարբեր շերտերից տարբեր սպասումներ ուներ, բայց Հյուսիսային պողոտայի դեպքերը հիշեցնող 15-20 տարի առաջվա հարաբերությունների մեջ ենք մնացել պետության հետ: Հեղափոխությունը մեզ չբերեց այն էվոլյուցիան, որը պետք է ապրեր քաղաքացու գիտակցությունը: 33-րդ թաղամասի 200-ից ավելի բնակչի պարզապես խաբել-հանել են տներից, մարդիկ չեն գիտակցել իրենց շահը, պետության պարտավորությունները, չեն էլ գիտակցել, որ խաբվել են»:
Մանրամասները` տեսանյութում:
Աննա Բաբաջանյան
