16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Բախմուտի ուղղությամբ Ուկրաինայի զինված ուժերը պաշտպանությունից անցել են հարձակման
Քաղաքականություն
07.06.2023 | 16:06
Բախմուտի ուղղությամբ Ուկրաինայի զինված ուժերը պաշտպանությունից հարձակման են անցել։ Այս մասին իր տելեգրամյան ալիքում հայտնել է Ուկրաինայի պաշտպանության փոխնախարար Աննա Մալյարը, փոխանցում է BBC-ի ռուսական ծառայությունը։
Ըստ նրա՝ վերջին մեկ օրվա ընթացքում ուկրաինացի զինվորականները «Բախմուտի ուղղությամբ տարբեր հատվածներում 200-ից 1100 մետր առաջ են շարժվել»։
Մալյարը նշել է, որ այսօրվա դրությամբ՝ «Ռուսաստանի Դաշնության կանոնավոր բանակը մարտական գործողություններ է իրականացնում՝ օգտագործելով օդային հարձակման ստորաբաժանումներ», իսկ վագներականները «մնացել են ինչ-որ տեղ թիկունքային ստորաբաժանումներում»։
Երկուշաբթի «Վագներ» մասնավոր ռազմական խմբավորման հիմնադիր Եվգենի Պրիգոժինը հայտարարել էր, որ ռուսական բանակը նահանջում է Բախմուտի շրջանում։ Նա խոսել էր Բախմուտից հյուսիս գտնվող Բերխովկա գյուղի մասին, իսկ ռուս զինվորականների գործողությունները նկարագրել էր «փախուստ» բառով։
