17.12.2025 | 17:25
Կիևի «Դինամոն» գլխավոր մարզիչ է նշանակել «Նոայի» դեմ խաղից առաջ
Զելենսկին հայտարարել է, որ Կախովկա ՀԷԿ-ի ամբարտակի պայթեցումը չի ազդի ուկրաինական հակահարձակման վրա
Քաղաքականություն
07.06.2023 | 14:48
Ուկրաինայի նախագահ Վլադիմիր Զելենսկին հայտարարել է, որ Կախովկա հիդրոէլեկտրակայանի պայթեցումը չի ազդի Ուկրաինայի զինված ուժերի հակահարձակման պլանների վրա։
«Զինվորական հրամանատարության հետ մանրամասն վերլուծվել է առաջնագծում տիրող իրավիճակը և հետագա գործողությունների համար մեր ուժերի պատրաստվածությունը, որն առավելագույնն է։ Հետախուզության զեկույցի համաձայն՝ Կախովկա ՀԷԿ-ում ստեղծված իրավիճակի մասին։ Հիմնական եզրակացությունն այն է, որ պայթյունը եղել է միտումնավոր, սակայն հակառակորդը գործել է քաոսային՝ թույլ տալով հեղեղել սեփական տեխնիկան։ Միևնույն ժամանակ, ամբարտակի պայթեցումը չի ազդել Ուկրաինայի՝ սեփական տարածքներն ապաօկուպացնելու հնարավորության վրա»,- գրել է Զելենսկին Տելեգրամի իր ալիքում։
Հիշեցնենք, որ «Կախովկա» ՀԷԿ-ը, որն արդեն մեկ տարուց ավելի վերահսկում են ռուս զինվորականները, երեկ վաղ առավոտյան ավերվել է։ Դնեպրից ջրի անվերահսկելի արտահոսք է տեղի ունենում։ Նախօրեին Կիևը հայտարարել էր, որ ռուսական զորքերն են պայթեցրել ՀԷԿ-ի ամբարտակը։ ՌԴ-ն հերքում է՝ փոխարենը տեղի ունեցածի համար մեղադրելով ուկրաինական կողմին։
Էմմա Չոբանյան
