17.12.2025 | 14:50
Նոտարական գործարքներ՝ թվային միջավայրում․ ինչ փոփոխություններ են սպասվում Կադաստրի կոմիտեում․ ՏԵՍԱՆՅՈՒԹ
Վարդավառի լճում ձկներ են անկել․ նմուշներն ուղարկվել են փորձաքննության. ՏԵՍԱՆՅՈՒԹ
Հասարակություն
05.06.2023 | 19:02
Առավոտյան ոստիկանություն ահազանգ էր ստացվել Երևանում Վարդավառի լճի փառակալման և անկած ձկների առկայության մասին։ Ըստ ոստիկանության տարածած հաղորդագրության՝ ՆԳՆ ՓԾ Բնակչության պաշտպանության և աղետների ռիսկի նվազեցման վարչության Ճառագայթային, քիմիական և կենսաբանական իրավիճակի մոնիտորինգի բաժնի քիմիկ-հետախույզների խումբը հայտնաբերել է 3 անկած ձուկ, իրականացրել նմուշառում և ուղարկել փորձաքննության։ Ոստիկանությունից մեզ չպատասխանեցին, թե ի՞նչ ձկնատեսակներ են նմուշառել և արդյո՞ք տարածքում թույտվություն կա ձկնաբուծությամբ զբաղվելու։ Քաղաքապետարանից մեզ տեղեկացրին, որ տարածքը վարձակալությամբ է տրված, իսկ վարձակալները տեսախցիկի առջև չցանկացան խոսել։
Factor TV-ի տեսախցիկը ֆիքսել է, որ լճի մակերեսին դեռ անկած ձկներ կան։ Որոշ հատվածներում էլ անկած ձկների կողքին կարելի է տեսնել պլաստիկե տարաներ, շշեր և այլ աղբը։ Տարածքի բնակիչներից մեզ հետ զրույցում նշեցին, որ ամռանը նման պատկեր հաճախ է գրանցվում։
«Հիդրոօդերևութաբանության և մոնիթորինգի կենտրոն» ՊՈԱԿ–ի աշխատակիցներն ահազանգը ստանալուց անմիջապես հետո Վարդավառի այգու լճի տարածքում դաշտային հետազոտություն են անցկացրել․ իրականացվել է ջրի նմուշառում՝ լաբորատոր փորձազննում իրականացնելու նպատակով։ Այս մասին տեղեկանում ենք Շրջակա միջավայրի նախարարության ֆեյսբուքյան էջից։
Ըստ նախարարության հաղորդագրության՝ նմուշների առաջնային անալիզների նախնական արդյունքների համաձայն ջրում լուծված թթվածնի արժեքը շատ ցածր է և բավարար չէ ձկների կյանքի պահպանման համար։ Ջուրը թույլ հիմնային է, հատկապես բարձր են ամոնիում (3-րդ, «միջակ» դաս) և սուլֆատ իոնների (5-րդ, «վատ» դաս) կոնցենտրացիանները։
Մանրամասները՝ տեսանյութում։
Անի Թամրազյան
