14.12.2025 | 18:20
Թաիլանդն ու Կամբոջան շարունակում են ռազմական գործողությունները
Փաշինյանին հռչակել են սուրբ սուպերվարչապետ՝ ամեն ինչ որոշողն ինքն է․ նա ունակ չէ ռեֆորմներ անել․ Գարեգին Միսկարյան․ ՏԵՍԱՆՅՈՒԹ
Քաղաքականություն
05.06.2023 | 19:47
Մինչ Նիկոլ Փաշինյանը կհայտարարեր, թե ժողովրդավարությանը ներքին սպառնալիքներ չկան, մեկը մյուսի հետևից գրանցվեցին ժողովրդավարության տրամաբանությանը հակադիր միջադեպեր՝ ՆԳՆ Դիլիջանի բաժնի քրեականի պետի կողմից անչափահասի հարվածներ հասցնելու աղմկոտ դեպքը տեղի ունեցավ, երբ միայն հանրային մեծ աղմուկից հետո Դատախազությունը մեղադրանք առաջադրեց տվյալ անձին։ Իսկ հետո տարածվեց տեսանյութ, որտեղ երևում է, թե ինչպես է կարմիր բերետավորը հարվածում երիտասարդին։ Սրանք սպառնալիք չե՞ն ժողովրդավարությանը։
«Ժողովրդավարական հարթակ» հիմնադրամի տնօրեն Գարեգին Միսկարյանը Factor TV-ին տված հարցազրույցում նշում է, որ իր խնդիրը Նիկոլ Փաշինյանի հետ պետական ինստիտուտները ռեֆորմների չենթարկելն է, ինչի հետևանքով գրանցվում է հետընթաց ժողովրդավարության ասպարեզում։
«Փաշինյանն ունակ չէ ռեֆորմներ կատարել, նա սուպերվարչապետի համակարգը պահում է։ Ես կարծում եմ, որ ոչ թե պետք է փոխել նրան, այլ ստեղծել ալտերնատիվ ուժեր։ Փաշինյանի անձն է դրված կենտրոնում՝ որպես սուրբ սուպերվարչապետ, երբ ինքն է որոշում ամենը։ Իր շուրջ հավաքվում են այդ պաշտամունքն ունեցող մարդիկ։ Սա անձնակենտրոն քաղաքական ուժ է, որի նպատակն իշխանությունն ամրապնդելն ու պահելն է։ Պետությունն այսպես չի կարող զարգանալ, բոլորը հաճոյանում են նրան՝ պաշտոնը պահելու համար։ Փողին փոխարինել է լավ պոպուլիստ Նիկոլ Փաշինյանը։ Նա կապում է իրեն շրջապատող կոմֆորմիստներին և հասարակությանը, այս համակարգը նպատակ չունի ՀՀ-ն դարձնել ուժեղ պետություն»,- ասաց Գարեգին Միսկարյանը։
Հարցազրույցն ամբողջությամբ՝ տեսանյութում։
Ռոբերտ Անանյան
