25.07.2026 | 18:12
Փաշինյանը և Մակրոնը քննարկել են քննարկել են Հայաստան–Ֆրանսիա ռազմավարական գործընկերության օրակարգին վերաբերող հարցեր
Վատիկանի խաղաղության բանագնացը հունիսի 5-6-ը կայցելի Կիև, ավելի ուշ՝ Մոսկվա
Քաղաքականություն
05.06.2023 | 14:25
Հունիսի 5-6-ը Կիև է այցելելու կարդինալ Մաթեո Ցուպին, որին Հռոմի պապը հանձնարարել է խաղաղապահ առաքելություն սկսել՝ Ուկրաինայում պատերազմը դադարեցնելու համար։ Այս մասին հայտնել է պաշտոնական Վատիկանը, գրում է DW-ի ռուսական ծառայությունը։
Ուկրաինայից Վատիկան վերադառնալուց և օրակարգի ձևավորումից հետո կարդինալ Ցուպին այցելելու է նաև Ռուսաստան, հնարավոր են նրա հանդիպումները պաշտոնյաների հետ, ՌԻԱ Նովոստիին հայտնել է Հին հավատացյալների համաշխարհային միության նախագահ Լեոնիդ Սևաստյանովը, որը կապ է պահպանում Հռոմի պապի հետ։
«Կարդինալը կայցելի նաև Ռուսաստան։ Նա պետք է վերադառնա Վատիկան պապի մոտ՝ խորհրդակցության։ Դրանից հետո, վերլուծելով և ռուսական կողմի համար դիրքորոշում ու առաջարկ ձևավորելով, նա կմեկնի Մոսկվա»,- ասել է Սևաստյանովը։
Նա նշել է, որ կարդինալի հավանական զրուցակիցը կլինի ՌԴ ԱԳ նախարար Սերգեյ Լավրովը, չի բացառվում նաև Վատիկանի ներկայացուցչի հանդիպումը նախագահ Վլադիմիր Պուտինի հետ։
Էմմա Չոբանյան
