24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ուկրաինայից հարձակումները ՌԴ-ին երկընտրանքի առաջ են դնում՝ ամրապնդել դիրքերը Ռուսաստանում, թե օկուպացված տարածքներում․ բրիտանական հետախուզություն
Քաղաքականություն
02.06.2023 | 12:06
Մեծ Բրիտանիայի ՊՆ ռազմական հետախուզությունն իր ամենօրյա զեկույցում վերլուծում է Ուկրաինայից Բելգորոդի շրջան դիվերսիոն խմբերի ներխուժման փորձի մասին ՌԴ ՊՆ-ի հաղորդումները, որոնք ստացվել էին նախօրեին, գրում է BBC-ի ռուսական ծառայությունը։
Զեկույցի հեղինակները նշում են, որ բացի գրոհներից եղել են ԱԹՍ-ով հարվածներ Բելգորոդի ուղղությամբ, որոնք ստիպել են իշխանություններին տարհանել սահմանամերձ Շեբեկինո քաղաքի բնակիչներին։ Ըստ ՌԴ ՊՆ մամուլի հաղորդագրության՝ զինվորականները ստիպված են եղել Ռուսաստանի սդահմանամերձ տարածքում տեղակայել ռազմական տեխնիկա՝ ներառյալ հարվածային ուղղաթիռներ և TOC-1A համակարգեր։
Ռուսական հրամանատարությունն, ըստ բրիտանական հետախուզության, հիմա կանգնած է սուր երկընտրանքի առաջ՝ ուժեղացնել պաշտպանությունը Ռուսաստանի սահմանամերձ շրջաններում, թե Ուկրաինայի օկուպացված շրջաններում։
