24.02.2026 | 10:50
ՔՊ-ական պատգամավոր Արփի Դավոյանը դատի է տվել քաղաքագետին ֆեյսբուքյան գրառման համար
Թուրքիայում բանտարկված քուրդ առաջնորդ Դեմիրթաշը հայտարարել է ակտիվ քաղաքականությունից հեռանալու մասին
Քաղաքականություն
01.06.2023 | 15:04
Քրդերի բանտարկված առաջնորդ, Թուրքիայի քրդամետ Ժողովուրդների դեմոկրատական կուսակցության նախկին համանախագահ Սելահաթթին Դեմիրթաշը հայտարարել է ակտիվ քաղաքականությունից հեռանալու մասին։
Դեմիրթաշը Twitter-ի իր միկրոբլոգում իր առաջիկա հոդվածից հատված է հրապարակել։
«Իմ անունից անկեղծորեն ներողություն եմ խնդրում, որ չկարողացա մեր ժողովրդին վայել քաղաքականություն ներկայացնել, խոստանում եմ իմ գործնական ջանքերով շտկել այդ թերությունները։ Նաև շնորհակալ եմ իմ հասցեին կառուցողական քննադատության համար։ Կփորձեմ օգուտ քաղել քննադատությունից։ Քանի որ ես, ինչպես և իմ բոլոր ընկերները բանտից, շարունակում եմ դիմադրությամբ պայքարը, այս փուլում հեռանում եմ ակտիվ քաղաքականությունից»,- գրել է Դեմիրթաշը։
Նշենք, որ Սելահաթթինն Դեմիրթաշը 2016 թվականից բանտում է «ահաբեկչական քարոզչություն» տարածելու մեղադրանքով։ Նա նաև մեղադրվում է տասնյակ հանցագործությունների մեջ, ինչպիսիք են նախագահին վիրավորելը և Թուրւքիայում արգելված Քուրդիստանի աշխատավորական կուսակցության (PKK) հետ կապեր ունենալը, նրան սպառնում է մինչև 142 տարվա ազատազրկում: Գործիչը հերքում է բոլոր մեղադրանքները։
Եվրոպայի խորհուրդը բազմիցս պահանջել է ազատ արձակել Դեմիրթաշին՝ Մարդու իրավունքների եվրոպական դատարանի որոշման համաձայն։ Շուրջ յոթ տարի «ահաբեկչության» մեղադրանքով բանտարկված քաղաքական գործիչն ակտիվորեն օգտագործում է Twitter-ը՝ իր քաղաքական ուղերձները փոխանցելու համար։
Նախագահական ընտրություններում նա աջակցում էր ընդդիմության միասնական թեկնածու Քեմալ Քըլըչդարօղլուին։
Էմմա Չոբանյան
