08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Հայաստանում չի վերացել հովանավորչությունը․ Արթուր Սաքունցն անդրադարձավ կոռուպցիոն սխեմաներին․ ՏԵՍԱՆՅՈՒԹ
Հասարակություն
30.05.2023 | 12:53
Հակակոռուպցիոն պայքարի ռազմավարության աշխատանքները բավականին ինտենսիվ են, ռեսուրսները՝ սահմանափակ։ Այս մասին «Հակակոռուպցիոն պայքարը Հայաստանում. ռազմավարությունից՝ իրական խնդիրներ» թեմայով քննարկման ժամանակ նշեց ՀՔԱՎ գրասենյակի ղեկավար, իրավապաշտպան Արթուր Սաքունցը։
«Մշակվել է ռազմավարության փաստաթուղթ, բայց մի բան է ռազմավարությյունը, մեկ այլ բան է այն իրավիճակը, որտեղ այդ փաստաթղթում ամրագրված խնդիրները պետք է լուծվեն»,- նշեց իրավապաշտպանը։
Արթուր Սաքունցն անդրադարձավ առկա կոռուպցիոն սխեմաներին։ Իրավապաշտպանի դիտարկմամբ՝ Հայաստանում չի վերացել հովանավորչությունը։
«Մեկ անձից գնումների դինամիկան ցույց է տալիս, որ մինչև 2018-ը պետական գնումների կեսից ավելին կատարվում էին մեկ անձից, այնուհետև նվազում է նկատվել, հետո նորից դինամիկան աճել է։
Մրցակցությունը կոռուպցիոն դրսևորումների դեմ պայքարի կարևոր նախադրյալներից մեկն է։ Հայաստանում չի վերացել հովանավորչությունը։ Կաշառքի ինստիտուտը, որպես համակարգային կոռուպցիայի դրսևորում, կարելի է ասել չկա, բայց հովանավորչությունը, որը ևս համակարգային կոռուպցիայի դրսևորում է, գոյություն ունի»,- նշեց իրավապաշտպանը։
Սաքունցը նաև ընդգծեց, որ կոռուպցիայի մեխանիզմի ամբողջ հիմքը դրված է Սահմանադրության մեջ․ չի երաշխավորվում իշխանությունների տարանջատման և փոխզսպման սկզբունքը․ «Բացի դրանից, ըստ իրավապաշտպանի, կոռուպցիայի մեխանիզմ է ենթադրում նաև այն, որ դատական իշխանությունը ձևավորվում է ԱԺ պատգամավորների ձայների մեծամասնությամբ՝ քաղաքական մեծամասնության կողմից։ Դա բացարձակ և չվերահսկվող իշխանություն է, սա պետության զավթման Սահմանադրություն է, որը անպայման հանգեցնելու է կոռուպցիոն դրսևորումների»։
Մանրամասները՝ տեսանյութում։
