15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ուզում էինք պարեկներին ստուգել, գերազանցեցինք արագությունը․ Անդրանիկ Քոչարյան․ ՏԵՍԱՆՅՈՒԹ
Հասարակություն
29.05.2023 | 16:32
Ազգային Ժողովի պաշտպանության և անվտանգության հարցերի ու ֆինանսավարկային եւ բյուջետային հարցերի մշտական հանձնաժողովների այսօրվա նիստում «2022 թ. պետական բյուջեի կատարման մասին» տարեկան հաշվետվության նախնական քննարկումների ժամանակ «Քաղաքացիական պայմանագիր» խմբակցության պատգամավոր Անդրանիկ Քոչարյանն անդրադարձավ պարեկների աշխատանքին և հայտնեց, որ պարեկների աշխատանքի արդյունավետությունը ստուգելու համար մեկ մեքենայի մեջ երթևեկող պատգամավորներով գերազանցել են արագությունը և մարզային ճանապարհային ոստիկաններն իրենց չեն կանգնեցրել, բայց Երևանում պարեկները կանգնեցրել են ու վարչական ակտ գրել:
«Գալիս էինք, մեքենայով էինք, և ինքներս ուզում էինք ստուգել, թե պարեկները, այնուամենայնիվ, մտնում են էդպիսի հարաբերությունների մեջ, ինչպիսին ծանոթ էինք տարիներ առաջ:
Մեքենայի ղեկին մեր գործընկեր Մաթևոս Ասատրյանն էր, Սանդիկովը, ես էի, մեծ արագությամբ մտավ Երևան, դա պլանավորված էր: Հին ճանապարհային ոստիկանության ոչ մի հաշվարկ մեզ չկանգնեցրեց ճանապարհին, ասացին՝ շառից-փորձանքից հեռու:
Երևան հենց մտանք, պարեկային մեքենան եկավ դեմը փակեց, մեզ ասացին՝ ճիշտ է, ձեզ շատ հարգում ենք, բայց էս է ձեր խախտման արձանագրությունը: Հետո էլ դես, էլ դեն, բայց դրանից հետո ես ասացի, որ պրոցեսը ճիշտ է գնում: Շարունակությունն արդեն մեզանից է կախված, մեր մոտեցումներից, նաև՝ ԱԺ-ից: Մեր վերահսկողական ծառայությունները ամբողջ ծավալով անենք»:
Անդրանիկ Քոչարյանը հետագայում խնդրել է ոստիկանապետին, որ խրախուսի ծառայության այդ 3 աշխատակցին:
Մանրամասները՝ տեսանյութում։
