23.04.2026 | 14:00
10 մլն դրամանոց ժամացույց, կանխիկ՝ 200 հազար դոլար, 100 մլն դրամ, 50 հազար եվրո, 6 անշարժ գույք․ Դավիթ Ղազինյանի հայտարարագիրը
Տեսանելի ապագայում կարելի է հասնել Հայաստանի և Ադրբեջանի միջև խաղաղության պայմանագրի կնքման․ Պեսկով
Քաղաքականություն
26.05.2023 | 14:39
Ստեղծված հանգամանքները թույլ են տալիս տեսանելի ապագայում Ադրբեջանի և Հայաստանի միջև խաղաղության պայմանագրի կնքման հնարավորության հույս ունենալ, սակայն գլխավորը ոչ թե ժամանակն է, այլ բոլոր հարցերի վերջնական լուծումը։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։
Նա նշել է, որ ՌԴ-ի, Հայաստանի և Ադրբեջանի ներկայացուցիչները հավաքվելու են Մոսկվայում հաջորդ շաբաթվա վերջին՝ քննարկելու կողմերի միջև առկա հարցերը։
«Ամեն ինչ վերջնական տեսքի բերելու առաջադրանք չկա, քանի որ գլխավորը, ամեն դեպքում, վերջնարդյունքն է, ժամանակի հետևից ոչ ոք չի վազում»,- ասել է Պեսկովը։
Նրա խոսքով՝ հենց այդ պատճառով է, որ «դժվար թե այժմ որևէ մեկը կարողանա կանխատեսել խաղաղության պայմանագրի ստորագրման ճշգրիտ ամսաթիվը»։
«Չնայած, ինչպես երեկ հանդիպմանն է ասվել, այժմ հանգամանքները շատ առումներով փոխվել են, և հայեցակարգային առումով այս փոփոխված հանգամանքները թույլ են տալիս տեսանելի ապագայում խաղաղության պայմանագիր կնքել»,- ասել է Պեսկովը։
Հիշեցնենք, որ նախօրեին Մոսկվայում տեղի էր ունեցել Հայաստանի վարչապետ Նիկոլ Փաշինյանի, ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի եռակողմ հանդիպումը, որը տևել էր 20 րոպե։
Էմմա Չոբանյան
