09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Քննիչների վարձատրությունը կբարձրանա․ ԱԺ-ն քննարկում է նախագիծը․ ՏԵՍԱՆՅՈՒԹ
Քաղաքականություն
23.05.2023 | 10:55
Վերջին տարիներին քննչական կոմիտեի քննիչներն աշխատել են գերծանրաբեռնված, միայն 2020 թվականի ընթացքում ՔԿ–ում քննվել է 32.483 քրեական գործ, 2021–ին` 41.883, 2022թ.–ին` 59.830 քրեական վարույթ։ ՀՀ Ազգային ժողովում իր ելույթում նշեց Քննչական կոմիտեի նախագահի տեղակալ Արսեն Այվազյանը` ներկայացնելով այն հիմնավորումները, թե ինչու է ՔԿ-ն առաջարկում բարձրացնել քննիչների աշխատավարձերը։
Քննչական կոմիտեի նախագահի տեղակալի խոսքով` ավելացել է նաև 1 քննիչի անհատական ծանրաբեռնվածությունը, եթե 2020–ին 1 քննիչին բաժին էր ընկնում տարվա կտրվածքով 73 քրեական վարույթ, ապա 2022-ին այդ ծանրաբեռնվածությունը կիսով չափ ավելացել է` դառնալով 11 քրեական վարույթ։ Ըստ նրա` քննչական կոմիտեում է քննվում ՀՀ–ում կատարված հանցագործությունների վերաբերյալ քրեական գործերի մոտ 95 տոկոսը։
«Քննիչների օրական աշխատաժամը հաճախ հասնում է 12-13 ժամի, երբեմն աշխատում են ոչ աշխատանքային ժամերին և օրերին»,– նշեց Այվազյանը։
Զուգահեռներ անցկացնելով Հակակոռուպցիոն կոմիտեում քննիչների տրվող աշխատավարձերի հետ` նա նշեց, որ որոշակի խտրական մոտեցում կա, քանի որ Հակակոռուպցիոն կոմիտեի ձևավորումից ի վեր այդ մարմնում աշխատավարձերի հավելումներ են հատկացվում` սկզբում 100 տոկոսի, այնուհետև` 92 տոկոսի չափով։
Մանրամասները՝ տեսանյութում։
