18.03.2026 | 23:19
1-ամյա երեխայի սպանության փորձ կատարելու մեջ մեղադրվող խորթ մայրը կալանավորվեց
Հրդեհ Գեղադիր գյուղում
20.05.2023 | 14:12
Մայիսի 20-ին, ժամը 03:10-ին Կոտայքի մարզային ճգնաժամային կառավարման կենտրոն ահազանգ է ստացվել, որ Գեղադիր գյուղում այրվում է տուն, այս մասին տեղեկացնում է ՆԳՆ Փրկարար ծառայությունը:
Դեպքի վայր են մեկնել ՆԳՆ ՓԾ Երևան քաղաքի և մարզային փրկարարական վարչությունների հրշեջ-փրկարարական ջոկատներից երկու մարտական հաշվարկ և մեկ ջրատար։
Պարզվել է, որ հրդեհը բռնկվել է 5-րդ փողոցի տներից մեկին հարակից անասնագոմի տանիքում:
Հրդեհը մեկուսացվել է ժամը 04:56-ին, մարվել՝ 07:30-ին: Այրվել է անասնագոմի տանիքում (մոտ 120 քմ) կուտակած մոտ 700 հակ անասնակեր և վնասվել տանիքի թիթեղյա ծածկը (մոտ 80 քմ):
Հրդեհաշիջման աշխատանքներին մասնակցել է գյուղի 20 բնակիչ:
