17.03.2026 | 12:19
Թրամփը հայտարարել է, որ Իրանի պատերազմը «շուտով կավարտվի»
Բաղրամյան 26-ի «աուրան» Արմեն Սարգսյանը չի՞ հավանում․ «Հրապարակ»
30.06.2018 | 09:05
«Հրապարակ» թերթը գրում է․ «Կառավարության վերջին նիստի ժամանակ Նիկոլ Փաշինյանն ասել էր․ «Կարծում ենք՝ ժամանակի ընթացքում Բաղրամյան 26-ի նստավայրը կվերադարձնենք նախագահի աշխատակազմին․․․քանի որ Սահմանադրությամբ վարչապետն է պետության ղեկավարը, օրակարգային որոշ հարցեր կապված են շենքային պայմանների հետ, պետք է ուսումնասիրեն, թե ինչպես են այդ խնդիրը լուծելու»: Նախագահական մեր աղբյուրներից փորձեցինք ճշտել՝ պատրա՞ստ են տեղափոխվել Բաղրամյան 26, որը, ի դեպ, սովետի օրերին ՀԽՍՀ Գերագույն խորհրդ նախագահի նստավայրն է եղել։ «Երբ շենքը կտրամադրեն, այն ժամանակ էլ այդ մասին կխոսենք, տրամադրման ժամկետների հստակություն դեռ չկա»: Բոլոր դեպքերում, ասել էիք՝ Բաղրամյան 26-ի աուրան Արմեն Սարգսյանը չի հավանում։ «Նախ՝ Արմեն Սարգսյանը Հայաստանում չէ, որպեսզի իր կարծիքն իմանանք, եւ ապա կրկնեմ․երբ շենքը կտրամադրվի, այն ժամանակ էլ կդրսեւորվի մոտեցում»։ Մեր տեղեկություններով՝ Արմեն Սարգսյանը Հայաստան կվերադառնա կիրակի օրը՝ հուլիսի 1-ին, երեկ նա «քաղաքավարական հանդիպում» է ունեցել ԱՄՆ պետքարտուղար Մայքլ Պոմպեոյի հետ։ Ի դեպ, ՀՀ սահմանադրությունում ամրագրված է, որ «նախագահը երկրի գլուխն է», սակայն չի ամրագրված, որ «վարչապետը երկրի ղեկավարն է»․ ինչո՞ւ այդ թեզը չի ամրագրվել Սահմանադրությունում․ մեր զրուցակից սահմանադրագետն ասաց․ «Իմաստ չուներ, որովհետեւ ինքնին հասկանալի էր»։ Բոլոր դեպքերում խնդրի առնչությամբ տարընթերցում կա։ «Իզուր․ դուք դժվար թե իմանաք, որ Ավստրալիա, Նոր Զելանդիա, Կանադա պետությունների գլուխը համարվում է Անգլիայի թագուհին, բայց նա որեւէ իրավասություն չունի բրիտանական նախկին գաղութ այդ երկրների կյանքում․թագուհու դերակատարությունը խիստ սիմվոլիկ է, իրական ղեկավարները վարչապետներն են»։
Շարունակությունը՝ օրաթերթի այսօրվա համարում:
