23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
363 գազելներ կփոխարինվեն 143 ավտոբուսներով․ գոծող երթուղային ցանցը թվայնացվել է․ ՏԵՍԱՆՅՈՒԹ
Տնտեսություն
15.05.2023 | 11:50
Երևանում նոր ավտոբուսների երթուղի դուրս գալու աշխատանքների շրջանակում N3 և N12 գազելային երթուղիները կփոխարինվեն 1 ավտոբուսային երթուղիով, քանի որ դրանք կրկնվող գծեր են։ Այս մասին, այսօր՝ մայիսի 15-ին, Երեւանի քաղաքապետարանում հերթական գործակարգավարական խորհրդակցության ժամանակ հայտնեց Տրանսպորտի վարչության պետի պաշտոնակատար Վազգեն Հարությունյանը։
Նշենք, որ Երևանում «Գազել» մակնիշի տրանսպորտային միջոցներով սպասարկվող միկրոավտոբուսային 24 երթուղի կա։
«Գործող երթուղային ցանցում թվով 363 շարժակազմ «Գազելները» կփոխարինվեն 143 ավտոբուսով, ինչի շնորհիվ երթևեկությունը համեմատաբար կթեթևանա։ Առաջին փոփոխությունները Երևանում կսկսեն երևալ հունիսի 1-ից, մասնավորապես, N3 և N12 միկրոավտոբուսային գազելային երթուղիները փոխարինվելու են 1 ավտոբուսային երթուղիով։ N13 երթուղին նույնպես փոխարինվելու է։ Նշված երթուղիների ավտոբուսները լինելու են ZhongTong մակնիշի։ Փոփոխությունները տեսանելի կլինեն յուրաքանչյուր 15 օրը մեկ պարբերականությամբ»,– նշեց Հարությունյանը։
Նրա խոսքով` այս աշխատանքների ավարտը լինելու է օգոստոսի 15-ին, ժամանակացույցն էլ հստակ գծված է։
Հունիսի 1-ի դրությամբ լինելու են նաև այլ փոփոխություններ` N5 ավտոբուսային երթուղին կփոխարինվի MAN տիպի ավտոբուսներով։
Փոխքաղաքապետ Տիգրան Ավինյանը հավելեց, որ նոր երթուղի կներդրվի դեպի «Զվարթնոց» օդանավակայան (MAN տիպի ավտոբուսներ են լինելու), որի երթուղին լինելու է այսպիսին` «Զվարթնոց»–Իսակովի պողոտա–Հաղթանակի կամուրջ–Մաշտոցի պողոտա–Ֆրանսիայի հրապարակ։ Այն աշխատելու է 45 րոպե պարբերականությամբ։
Ավինայնն վստահեցրեց` նշված փոփոխությունների արդյունքում մինչև սեպտեմբերի 1-ը մայրաքաղաքում «Գազել» մակնիշի տրանսպորտային միջոցներով սպասարկվող գծերը փոխարինված կլինեն նոր ներկրված ավտոբուսներով։
Մանրամասները՝ տեսանյութում։
