Տնտեսություն
15.05.2023 | 11:35Հաջորդ տարվանից առանձին փոսալցման, գծանշման, նշանների տեղադրման մրցույթներ չենք անելու, դրանք լինելու են փաթեթով, ամսական կատարողականներով, և 2 կամ 3 տարով ճանապարհների սպասարկման պատասխանատուն դառնալու է ճանապարհաշինարարական ընկերությունը, Երևանի քաղաքապետանարի գործակարգավարական խորհրդակցության ժամանակ այս մասին հայտարարեց շինարարության և բարեկարգման վարչության պետ Խորեն Գրիգորյանը։
«Ֆիքսելո՞ւ ենք, որ փոսը, եթե փորվեց, նույն օրը պետք է լցվի»,- հետաքրքվեց փոխքաղաքապետ Տիգրան Ավինյանը։
«Այո՛, դրանք բոլորը քննարկվում են և պայմանագրում տեղ են ունենալու», – պատասխանեց Գրիգորյանը՝ հավելելով, որ աշխատանքներին տեմպ է տրվել, բայց այդ տեմպը դեռ գոհացուցիչ չէ։
«Հասկացանք, լավ մյուս տարվանից այլ մեթոդաբանություն ենք դնում, բայց կրկին նորմալ չէ, որ շաբաթով, ամսով փոսը փորված է, և որևէ բան տեղի չի ունենում։ Եթե չեն կարողանալու սպասարկել, թող հրաժարվեն այդ պայմանագրերից։ Այդ որակի աշխատանքը շատ վատ ենք դիտարկում և, հետևապես, համապատասխան վերաբերմունք ենք ունենալու իրենց նկատմամբ՝ բոլոր հաջորդ փուլերում», – նշեց Ավինյանը։
Մանրամասները՝ տեսանյութում։
