14.10.2026 | 14:02
Սա ոչ թե Փաշինյանի անձնական վրեժխնդրությունն է, այլ Ալիևի․ Միկոյան․ ՏԵՍԱՆՅՈՒԹ
Ոստիկանության լրատվականից հարց պարզել չի ստացվում
Հասարակություն
29.06.2018 | 19:16
Ամուլսարի հանքի շահագործման դեմ պայքարող ակտիվիստներն այսօր ֆեյսբուքյան էջի միջոցով ահազանգել էին, որ «Լիդիան Արմենիա» ընկերության աշխատակիցները շշերով հարվածել են Դիլիջանի ճանապարհին կայանված զբոսաշրջիկների մեքենաներին՝ կոտրելով դրանցից մեկի ապակին։
Factor.am-ը զրուցեց այս մասին ահազանգող ակտիվիստի հետ՝ միևնույն ժամանակ ներկայացնելով նաև «Լիդիան Արմենիա» ընկերության տեսակետը խնդրի վերաբերյալ։
Մենք փորձցինք պարզել՝ արդյոք ոստիկանությունը ստացել է ահազանգ ակտիվիստների և հանքի աշխատակիցների միջև ընդհարման մասին, արդյոք պարզել է՝ կոտրվել է մեքենայի դիմապակի, թե` ոչ, և ինչու են ոստիկաններն անգործության մատնված, ինչպես մեզ հետ զրույցում նշել է «Լիդիան Արմենիա» ընկերության իրավաբանը։
Մեր բոլոր փորձերն այս հարցերի պատասխանները ստանալու առնչությամբ, սակայն, մնացին անարդյունք, քանի որ ոստիկանության լրատվականի հեռախոահամարը ժամը 14։00-ից ի վեր անհասանելի է։
