06.06.2026 | 20:00
Ում ենք ընտրում չընտրելով․ քվեարկության չԳնալու ՇԵՐՏԵՐԸ. ՏԵՍԱՆՅՈՒԹ
Զելենսկիին մերժել են ելույթ ունենալ «Եվրատեսիլ 2023»-ի եզրափակիչում
Քաղաքականություն
12.05.2023 | 13:32
«Եվրատեսիլ 2023» միջազգային երաժշտական մրցույթի կազմակերպիչները մերժել են Ուկրաինայի նախագահ Վլադիմիր Զելենսկիին տեսաուղերձով ելույթ ունենալ եզրափակիչի ժամանակ և կոչ անել 160 միլիոն հանդիսատեսին՝ աջակցել Կիևին ռուսական ագրեսիայի դեմ։ Այս մասին հայտնում է բրիտանական The Times պարբերականը, որին վկայակոչում է DW-ի ռուսական ծառայությունը։
«Չնայած Զելենսկիի խնդրանքը՝ դիմել հանդիսատեսին «Եվրատեսիլ» երգի մրցույթի ժամանակ, պայմանավորված է գովելի մտադրություններով, այն, ցավոք, չի կարող բավարարվել Եվրոպական հեռարձակողների միության (EBU) ղեկավարության կողմից, քանի որ դա հակասում է մրցույթի կանոններին»,- ասել են EBU-ի մամուլի ծառայությունից։
Նրանք հիշեցրել ենք, որ խոսքը միջազգային ժամանցային շոուի մասին է, որի առանցքային կողմերից մեկը դրա «ոչ քաղաքական լինելն է»։ Այս սկզբունքն արգելում է մրցույթի շրջանակում քաղաքական կամ նմանատիպ հայտարարություններ անել։
Նշենք, որ այս տարի մրցույթն անցկացնում է բրիտանական BBC հեռուստաընկերությունը Լիվերպուլում, հաղթող հեռարձակողի՝ Ուկրաինայի ազգային հանրային հեռարձակման ընկերության անունից:
Մրցույթի եզրափակիչը տեղի կուենա մայիսի 13-ին, որին մասնակցելու են առաջին երկու կիսաեզրափակիչներն անցած 10 երկրները, ինչպես նաև վերջին հաղթող Ուկրաինան և «Մեծ հնգյակի» ներկայացուցիչները՝ Մեծ Բրիտանիան, Գերմանիան, Իսպանիան, Իտալիան և Ֆրանսիան։
Հիշեցնենք, որ եզրափակիչ է անցել նաև մրցույթում Հայաստանը ներկայացնող Բրյունետը։
Էմմա Չոբանյան
