01.11.2024 | 17:27
Փաշինյանի գլխավորությամբ քննարկվել է 2024-2026 թթ. Ոստիկանության ոլորտի բարեփոխումների ռազմավարական ծրագրի նախագիծը
Նախորդ տարի 20 մլրդ դրամի պետական գույք է վաճառվել. Գնել Սանոսյան․ ՏԵՍԱՆՅՈՒԹ
Տնտեսություն
11.05.2023 | 11:55
2022թ․ 3 առևտրային կազմակերպությունների պետական բաժնեմասերի մասնավորեցման արդյունքում օտարվել է 12 միավոր անշարժ գույք, 102 ավտոմեքենա։ Արդյունքում պետական բյուջե է մուտքագրվել 7.9 մլրդ դրամ։ Այս մասին ՀՀ կառավարության նիստում հայտնեց ՏԿԵ նախարար Գնել Սանոսյանը` ներկայացնելով «Պետական գույքի կառավարման 2021-2023 թվականների ծրագրի կատարման 2022 թվականի տարեկան հաշվետվությունը»։
«Նախորդ տարի ընդհանուր առմամբ օտարվել է 20.1 մլրդ դրամի գույք։ Բայց կան գույքեր, որոնք օտարվել են վճարման 5-ամյա գրաֆիկով, և այդ օտարումների արդյունքում գումարները մուտք կարվեն առաջիկա տարիների ընթացքում։ Այդ պայմանի դիմաց ընկերությունները խոստացել են 83 մլրդ դրամից ավելի ներդրում կատարել ու հավելյալ աշխատատեղեր ստեղծել»,- նշեց սանոսյանը։
Նախարարը նաև հայտնեց, որ հաշվետու ժամանակահատվածում մասնավոր տարածքներում վարձակալության հիմունքներով տեղակայված պետական 16 հիմնարկների տրամադրվել են տարածքներ։ Գործընթացի արդյունքում շուրջ 60 տոկոսով կնվազի պետական բյուջեից վճարվող վարձակալության ընդհանուր գումարը։
Պետական գույքի վարձակալությունից ստացվող գումարները 2022-ին ավելացել են 67.7 տոկոսով։
Մանրամասները՝ տեսանյութում։
