29.04.2024 | 09:46
Երևանի քաղաքապետարանի գործակարգավարական նիստը. ՈՒՂԻՂ
Հենրիխ Մխիթարյանը՝ «Միլան» -«Ինտեր» հանդիպման լավագույն ֆուտբոլիստ
11.05.2023 | 11:41
«Ինտեր»-ի կիսապաշտպան Հենրիխ Մխիթարյանը ճանաչվել է Չեմպիոնների լիգայի կիսաեզրափակիչ «Միլան» -«Ինտեր» առաջին հանդիպման լավագույն ֆուտբոլիստ։ Մխիթարյանը լավագույն ֆուտբոլիստի մրցանակը ստացել է խաղից անմիջապես հետո։
Հիշեցնենք՝ երեկ կայացած միլանյան դերբիում «Ինտեր»-ը երկու անպատասխան գնդակ ուղարկեց «Միլան» -ի դարպասը։ Երկու գնդակներն էլ խփվեցին առաջին խաղակեսի սկզբնամասում ընդամենը 3 րոպեի տարբերությամբ։ Նախ՝ 8-րդ րոպեին հանդիպման հաշիվը բացեց Էդին Ջեկոն անկյունայինի խաղարկումից հետո։ 11-րդ րոպեին Հենրիխ Մխիթարյանը կրկնապատկեց հաշիվը՝ գեղեցիկ գոլի հեղինակ դառնալով Ֆեդերիկո դի Մարկոյի փոխանցումից հետո։ Հայաստանի հավաքականի նախկին ավագը դարձավ առաջին հայ ֆուտբոլիստը, որը գոլի հեղինակ է դառնում Չեմպիոնների լիգայի կիսաեզրափակիչ խաղում։ Մխիթարյանը երկրորդ խաղակեսում փոխարինվեց, իսկ «Միլան»-ին այդպես էլ չհաջողվեց մինչև խաղավերջ խոցել սկզբունքային մրցակցի դարպասը։
Պատասխան հանդիպումը կկայանա մայիսի 17-ին։ Երկու խաղերի արդյունքում հաղթողը Չեմպիոնների լիգայի եզրափակչում կխաղա «Մանչեսթեր Սիթի»- «Ռեալ-Մադրիդ» զույգի հաղթողի հետ։
