03.10.2026 | 19:52
Վահագն Խաչատուրյանը հեռախոսազրույց է ունեցել Լիբանանի Հանրապետության նախագահ Ժոզեֆ Աունի հետ
Վախենում եմ` մի օր արթնանամ, թուրքը տանս մեջ լինի. արցախցի․ ՏԵՍԱՆՅՈՒԹ
10.05.2023 | 12:43
Արցախից տեղահանվածները բողոքի ակցիա են իրականացնում ՀՀ կառավարության շենքի մոտ ու պահանջում են, որ ՀՀ– ում իրենց փախստականի կարգավիճակ տան։
«Մենք մեր հավատը դեռ չենք կորցրել, միգուցե արդարություն կլինի և մի անգամ էլ արցախահայությանը կնայեն»,- լրագրողների հետ զրույցում նշեց ակցիայի մասնակից արցախցի մի կին։
«Թուրքն ասում է՝ գալու եմ՝ տունդ եմ մտնելու, Երևանում թաղամաս է ուզում, ադրբեջանական թատորն է ուզում, ասում է Կոնդը մեր պապական թաղամասն է․․․ Մենք պիտի հանդուժե՞նք։ Եթե մեր իշխանությունը պատասխան տա, այս իրավիճակը չի լինի։
Արդեն թուրքը հասնում է, բան չի մնացել․․․ Ես ապրում եմ Մասիսում, արդեն 2 տարի է այնտեղ վարձով եմ ապրում, վախենում եմ, որ մի օր կարթնանամ, ու թուրքը արդեն այնտեղ կլինի։ Այս իրավիճակում դեպի ո՞ւր գնամ՝ չգիտեմ։
Կառավարության դիմաց կազմակերպած ակցիայից հետո արցախցիները որոշել են գնալ նաև ՄԱԿ–ի հայաստանյան գրասենյակ ու ՀՀ–ում Ֆրանսիայի դեսպանատուն։
Մանրամասները՝ տեսանյութում։
