Տնտեսություն
08.05.2023 | 11:11Գազելների առհասարակ դուրս բերումը բոլոր մնացած երթուղիներից ամենատրամաբանական առաջարկն է: Այս մասին այսօր Երևանի քաղաքապետարանի գործակարգավարական խորհրդակցության ժամանակ նշեց փոխքաղաքապետ Տիգրան Ավինյանը:
Դիմելով տրանսպորտի վարչության պետի պաշտոնակատար Վազգեն Հարությունյանին՝ Ավինյանը հետաքրքրվեց․ «Բազմաչարչար տրոլեյբուսներից ի՞նչ կա, որ Վրաստանում են»:
Հարությունյանը պատասխանեց, որ պաշտոնական տեղեկություն չեն ստացել մատակարար ընկերության կողմից ուշացման և խնդիրների հետ կապված, իսկ ոչ պաշտոնական տեղեկությունն այն է, որ 4 հատը գտնվում է Վրաստանի տարածքում, շուտով կանցնեն դեպի Հայաստան:
Ինչ վերաբերում է գծանշման աշխատանքներին, տրանսպորտի վարչության պետի պաշտոնակատարը նշեց. «Նոր Նորք և Կենտրոն վարչական շրջաններում մի քանի փողոց է մնացել, որ ավարտենք գծանշման աշխատանքները: Առաջիկա մի քանի օրում կավարտենք ու կանցնենք մյուս վարչական շրջաններին: 1-1,5 ամսվա ընթացքում ամբողջ աշխատանքները կավարտենք»:
Մանրամասները՝ տեսանյութում։
