16.11.2024 | 13:33
Վրաստանի ԿԸՀ նախագահի վրա սև հեղուկ են լցրել․ ամփոփվել են խորհրդարանական ընտրությունների արդյունքները
Մեդիաաշխատողների կարիքների մասով հարցում անցկացրինք. հետաքրքիր պատկեր ստացվեց. Գեղամ Վարդանյան․ ՏԵՍԱՆՅՈՒԹ
Հասարակություն
04.05.2023 | 18:23
Հանրային լրագրության ակումբը կազմակերպել է «Պայքար ապատեղեկատվության և քարոզչության դեմ․ երկխոսություն դրանց դիմակայության ռազմավարությունների շուրջ Հայաստանում և դրա սահմաններից դուրս» խորագրով համաժողովը։ Համաժողովն անցկացվում է ՀԼԱ «Մեդիա և տեղեկատվական գրագիտության աքսելերատոր» ծրագրի շրջանակում, որն իրականացվում է ԱՄՆ պետքարտուղարության Հանրային դիվանագիտության գրասենյակի ֆինանսական աջակցությամբ։ Համաժողովի նպատակն է երկխոսություն ծավալել միջազգային և հայաստանյան հեղինակավոր փորձագետների, ոլորտային մասնագետների, քաղաքական գործիչների, լրատվամիջոցների և քաղաքացիական հասարակության ներկայացուցիչների միջև՝ քննարկելու ապատեղեկատվության մարտահրավերները, քարոզչական ժամանակակից մեթոդներն ու նոր տեխնոլոգիաների ազդեցությունը մանիպուլյացիաների ու քարոզչության սփռման գործում։
Մեդիա նախաձեռնությունների կենտրոնի ներկայացուցիչ, Media.am կայքի խմբագիր Գեղամ Վարդանյանը համաժողովի ընթացքում հայտնեց, որ Մեդիա նախաձեռնությունների կենտրոնը և Հանարային լրագրության ակումբը անցյալ տարի լրագրողների շրջանում իրականացրել են համատեղ հարցում։
Վարդանյանի խոսքով՝ հարցվածների ավելի քան 50 տոկոսը ապատեղեկատվությունը համարում է մարտահրավեր մեդիաների համար, 64 տոկոսից ավելին համարում է, որ ապատեղեկատվություն տարածելը վնասում է մեդիայի հեղինակությունը, 51 տոկոսից ավելին նշել է, որ փաստերի ստուգումը մեծացնում է լրատվամիջոցի հեղինակությունը։
Մեդիաաշխատողների կարիքների վերաբերյալ հարցին ի պատասխան՝ հարցվածների մեծ մասը նշել է գեոլոկացիան, այսինքն՝ քարտեզների հետ աշխատանքը։
Իսկ որպես տվյալների ստուգման խոչընդոտ նշվել է օպերատիվության պահանջը․ լուրն արագ հրապարակելու մրցակցություն կա, ինչը խանգարում է որակյալ լրագրությանը և հարցեր է առաջացնում։
Մանրամասները՝ տեսանյութում։
