16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
ՊՆ-ն պաշտպանական նոր հայեցակարգ է մշակել․ Սուրեն Պապիկյանը՝ պահեստազորի մասին․ ՏԵՍԱՆՅՈՒԹ
Քաղաքականություն
03.05.2023 | 19:52
«Աշխարհազորի մասին օրենքն այսօր գործում է, բայց Պաշտպանության նախարարությունը բոլորովին վերջերս մշակել է տարածքային պաշտպանության և տեղական պաշտպանության մասին նոր հայեցակարգ, որից բխելու են նաև նոր իրավական ակտեր, որոնք մենք առաջիկայում քննարկելու ենք Ազգային ժողովում»,- այս մասին այսօր ԱԺ-ում հարցուպատասխանի ժամանակ նշեց պաշտպանության նախարար Սուրեն Պապիկյանը՝ պատասխանելով պատգամավոր Սերգեյ Բագրատյանի այն հարցին, թե աշխարհազորի հետ կապված ինչպիսի՞ աշխատանք է կատարվել, ի՞նչ է նախատեսվում։
Պապիկյանի խոսքով՝ ՀՀ կառավարությունն ամեն ինչ անում է, որ պահեստազորը վարժական հավաքների միջոցով պատրաստվի, ինտեգրվի այն հատվածներին, որտեղ անհրաժեշտության դեպքում պետք է իրականացնի երկրի պաշտպանությունը:
«Մենք մեծ ուշադրություն ենք դարձնում մեր ողջ պահեստազորին, խոսքը վերաբերում է ոչ միայն կցագրված անձնակազմին՝ այսինքն՝ զիվորական ծառայություն անցած անձանց, այլ նաև մեր նոր տեսլականում տեղ են գտնելու և պատրաստվածության մեջ ներգրավելու ենք քաղաքացիների այն հատվածը, ովքեր ինչ-ինչ պատճառներով, այդ թվում՝ կրթության, աշխատանքի բերումով, ազատվել են բանակից: Նրանց համար հնարավորություն կլինի պատրաստվել, տիրապետել զենքին և անհրաժեշտության դեպքում պիտանի լինել սեփական հայրենիքի պաշտպանությանը»,- ընդգծեց նախարարը:
Մանրամասները՝ տեսանյութում։
