19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Պարեկ դառնալ ցանկացող կանանց 30%-ն ունի հասակի խնդիր, հարկ եղած դեպքում կվերանայենք. Ղազարյան․ ՏԵՍԱՆՅՈՒԹ
Քաղաքականություն
03.05.2023 | 19:31
Պարեկ դառնալ ցանկացող կանանց 30%-ն ունի հասակի խնդիր, հարկ եղած դեպքում կվերանայենք այս պահանջը։ Այս մասին Ազգային ժողովում կառավարության հետ հարցուպատասխանի ժամանակ նշեց ՀՀ ներքին գործերի նախարար Վահե Ղազարյանը։
Ինչ վերաբերում է ջրային պարեկային ծառայության ստեղծմանը, նախարարը նշեց, որ ջրային պարեկային ծառայողներն արդեն 2 օր է`քննություններ են հանձնում, արդեն իսկ դրական արդյունքներ կան։
Ծառայությունը լինելու է վաշտի կարգավիճակով, կազմված է լինելու 95 անձից, լինելու է 4 հենակետ, մոդուլային տնակներ էլ են նախատեսված։
Վահե Ղազարյանը շեշտեց` ՆԳՆ–ն գնումներ է կազմակերպել համապատասխան տեխնիկա և համազգեստ ձեռք բերելու նպատակով։
«Առաջիկայում նպատակ ունենք 2 մոտորանավակ ձեռք բերել, որպեսզի ծառայություն իրականացնեն Սևանա լճում։ Ջրային պարեկները նաև կօժանդակեն այլ գերատեսչություններին, հատկապես Սևանա լճում ապօրինի ձկնագողության մասով։ Ամռանը պատրաստվում ենք արդեն սկսել պրակտիկա անցկացնել Սևանա լճում և ափամերձ տարածքներում։ Երեկ և այսօր Օլիմպավանում քննություններն են սկսվել, դրական արդյունքներ արդեն ունենք»,- նշեց նախարարը։
Նշենք, որ ջրային պարեկներն ընտրվելու են պարեկային ծառայողների շարքերից, որոնք վերապատրաստվելու են, ձեռք են բերելու անհրաժեշտ գիտելիքներ` ջրային փոխադրամիջոցներ վարելու հմտությունից մինչև փրկարարական օգնություն:
Մանրամասները՝ տեսանյութում։
