10.12.2025 | 21:28
Կրոնական ազատությունը Հայաստանում ժողովրդավարության կարևոր բաղադրիչներից է։
Վերջին տարիներին հիփոթեքային վարկերի ծավալների աճն ուղեկցվել է անշարժ գույքի գների աճով․ ԿԲ նախագահ․ ՏԵՍԱՆՅՈՒԹ
Տնտեսություն
02.05.2023 | 17:45
Աշխարհաքաղաքական լարված իրավիճակով պայմանավորված՝ բարձր անորոշության պայմաններում, համաշխարհային և ներքին տնտեսական ակտիվության ապագա հեռանկարի և գնաճի ռիսկերը պահպանվում են բարձր մակարդակում։ Այս մասին այսօր հրավիրված ասուլիսում նշեց Կենտրոնական բանկի նախագահ Մարտին Գալստյանը՝ ներկայացնելով մեր երկրի ֆինանսական կայունության հիմնական խնդիրները։
«Վերջինից ածանցված բարձր են գնահատվում տնտեսության պարտքային բեռի հնարավոր աճի և դրանից բխող վարկային կորուստների նյութականացման ռիսկերը»,- նշեց Գալստյանը։
Ֆինանսական կայունության մյուս խնդիրը, ԿԲ ուսումնասիրության համաձայն, վերջին տարիներին շարունակվող հիփոթեքային վարկերի և անշարժ գույքի գների շարունակական աճն է, որը վկայում է անշարժ գույքի և հիփոթեքային շուկայի որոշակի գերտաքացման մասին։
ԿԲ նախագահի դիտարկմամբ՝ վերջին 5 տարիների ընթացքում հիփոթեքային վարկերի ծավալի աճն ուղեկցվել է անշարժ գույքի գների աճով։
«Այսինքն, սրանց միջև դիտարկվում է միմյանց փոխսնուցող աճեր, որն անշարժ գույքի շուկայում գերտաքացման ռիսկի առկայության մասին է վկայում։ Այստեղ որոշակի մտավախություն ենք հայտնում այն երևույթներով, որը տեղի է ունենում անշարժ գույքի շուկայում։ ԿԲ վերլուծության համաձայն՝ անցած տարի դեկտեմբերի դրությամբ Երևանում անշարժ գույքի գների հնարավոր գերարժևորման չափը գնահատվում է 16-22%, իսկ 2023 թվականի առաջին երեք ամիսներին անշարժ գույքի գների գերարժևորման չափը մեծացել է և կազմել է մոտ 25%-ով։
Մանրամասները՝ տեսանյութում։
