03.10.2026 | 19:01
Կադիրովը Ռուսաստանում ստացել է բարձրագույն զինվորական կոչումը, ոսկեգույն ուսադիրներ և կարմիր բերետ. ТАСС
Պետական աջակցություն՝ ֆիլմարտադրողներին․ առաջարկվում է վերադարձնել ծախսերի մի մասը․ ՏԵՍԱՆՅՈՒԹ
Մշակույթ
02.05.2023 | 11:46
Ազգային ժողովի պատգամավոր Սիսակ Գաբրիելյանն առաջարկում է ֆիլմարտադրության հետ անմիջականորեն կապված ապրանքների և ծառայությունների համար կատարված ծախսերի գումարի որոշակի մասը հետ վերադարձնել։ Պատգամավորն այս առաջարկով հանդես եկավ Ազգային ժողովի հերթական նիստում՝ ներկայացնելով համապատասխան նախագիծը։
«Ֆիլմն ունի իր բյուջեն, և այդ բյուջեի մեջ ներառված են որոշակի ծախսեր: Մենք օրենքով ամրագրում ենք, որ ֆիլմարտադրության հետ անմիջականորեն կապված ծախսերի (Կառավարությունը կսահմանի այդ ապրանքների ցանկը) դեպքում ֆիլմարտադրողները կստանան մինչև 20 տոկոս հետվերադարձ։
Հանդիպման ժամանակ ֆիլմարտադրողները մեզ վստահեցնում էին, որ առաջիկայում այս օրենքի ընդունման դեպքում կունենանք ֆիլմարտադրության էական աճ։ Կան նախնական որոշակի պայմանավորվածություններ Հայաստանում ֆիլմ նկարելու համար։ Ըստ ֆիլմարտադրողների՝ Հայաստանում բնակլիմայական պայմանները լավագույններից են։ Գիտեմ նաև, որ Հնդկաստանից և ԱՄՆ-ից մեծ հետաքրքրվածություն կա Հայաստանում ֆիլմ նկարել»,- ասաց Գաբրիելյանը։
Ըստ նախագծի` ներդրումների մասնակի վերադարձը տրամադրելու չափը, հատկացման համամասնությունը եւ ժամկետները, վերադարձի ենթակա ծախսումները հիմնավորող փաստաթղթերի ցանկն ու ձեւաչափը, ինչպես նաեւ վերադարձը մերժելու, դադարեցնելու եւ պետական բյուջե հետգանձում կատարելու (վերադարձնելու) եւ բողոքարկելու ընթացակարգերը կսահմանվեն Կառավարության որոշումով:
Մանրամասները՝ տեսանյութում։
