08.10.2026 | 15:01
Հայտնի է ազատ ոճի ըմբշամարտի Հայաստանի հավաքականի կազմն ԱԱ-ում
Հայաստանի բռնցքամարտի երիտասարդական ընտրանու 3 ներկայացուցիչ բրոնզե մեդալ են նվաճել ԵԱ-ում
01.05.2023 | 16:16
Երևանի «Միկա» մարզահամալիրում մեկնարկեցին բռնցքամարտի երիտասարդների Եվրոպայի առաջնության կիսաեզրափակիչները:
«Արմենպրես»-ի հաղորդմամբ` 48 կգ քաշային կարգում հանդես եկող Հովհաննես Հարությունյանը 5:0 հաշվով պարտվեց իտալացի Թոմասո Քանոնեին և նվաճեց բրոնզե մեդալ:
51 կգ քաշային կարգում հանդես եկող Դավիթ Սաֆարյանը հրաժարվեց մենամարտից` թևի վնասվածքի պատճառով: Գերմանացի Ֆրենսիս Օկային տեխնիկական հաղթանակ տրվեց: Սաֆարյանը դարձավ բրոնզե մեդալակիր:
Հայաստանի մեկ այլ ներկայացուցիչ` 54 կգ քաշային կարգում հանդես եկող Էրիկ Արստամյանը 5:0 հաշվով պարտվեց Վրաստանը ներկայացնող Գոռ Այվազյանին: Արստամյանը ևս բրոնզե մեդալակիր է:
Հայաստանի հավաքականից 57 կգ քաշային Գոռ Ազիզյանը հաղթեց ռուս Մագոմեդ Պաշտաևին և դուրս եկավ եզրափակիչ: Եզրափակիչ մենամարտերը տեղի կունենան մայիսի 3-ին:
Երեկոյան մրցահերթում, որը կմեկնարկի Երևանի ժամանակով 17:30-ին, Հայաստանն ունի ևս 8 մասնակից: Հայաստանի հավաքականն այս առաջնությանը մասնակցում է 13 մարզիկով, որոնցից 12-ը դուրս են եկել կիսաեզրափակիչ և ապահովել առնվազն բրոնզե մեդալ:
