26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Նախորդ կառավարությունը այնպիսի պայմաններ էր դրել, որ լեզվի տեսչությունը չաշխատեր. Հովհաննես Զաքարյան. ՏԵՍԱՆՅՈՒԹ
Հասարակություն
28.06.2018 | 13:35
«Լեզվի պետական տեսչության» վերափոխումը կոմիտեի իր հետ բերեց մի շարք խնդիրներ, որոնց մասին բարձրաձայնում են լեզվաբանները։ Վերջիններիս համոզմամբ՝ տեսչութունից կոմիտե դառնալը բարդացրել է լեզվաբանների աշխատանքը և, միևնույն ժամանակ, անհասկանալի են դարձել իրենց որոշ գործառույթներ։
Այս մասին այսօր «Լեզվի պետական տեսչությունից՝ լեզվի կոմիտե. ինչպե՞ս բարձրացնել արդյունավետությունը» թեմայով կազմակերպված քննարկման ժամանակ ասաց լեզվաբան Հովհաննես Զաքարյանը։
«Լեզվի պետական տեսչությունը ստեղծվել է «Լեզվի մասին» օրենքի կիրարկման շնորհիվ և այն, որ հիմա տեսչությունը փոխեցին կոմիտեի, հակասում է օրենքին։ Հենց այդ կիրարկման կարգով էր, որ «Լեզվի պետական տեսչությանը տրված էին լիազորություններ։ Ընդունված է բոլոր երկրներում, որ եթե օրենք է ստեղծվում, պետք է այլ մարմին ևս ստեղծվի, որը կհետևի այդ օրենքների կատարմանը»,- ասաց նա։
Լեզվաբանը նշեց, որ նախորդ Կառավարությունը սխալ գործեց, երբ տեսչությունը կոմիտե դարձրեց, քանի որ հարց է առաջանում՝ ինչ իմաստ ունի այդ անվանափոխությունը, եթե գործառույթները հստակեցված չեն, ուստի անվանափոխությունը հետընթաց էր։
«Նախորդ կառավարությունը այնպիսի պայմաններ էր դրել, որ լեզվի տեսչությունը չաշխատեր»,- ասաց Հովհաննես Զաքարյանը։
Մանրամասները՝ տեսանյութում։
