26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Մոռանալ՝ ում ինչ է ձեռք տալիս. նախարարը՝ ծննդօգնության ոլորտում բարեփոխումների մասին
Հասարակություն
28.06.2018 | 12:04
Ծննդօգնության ոլորտում բարեփոխումներն օրվա պահանջ են՝ առողջապահության նախարարությունում ծննդօգնության ոլորտի առաջատար մասնագետների աշխատանքային խորհրդակցության ժամանակ շեշտել է առողջապահության նախարարը. տեղեկացնում է Առողջապահության նախարարության լրատվական ծառայությունը:
Արսեն Թորոսյանը կարևորել է մասնագետների անմիջական ներգրավվածությունը համակարգային փոփոխություններին՝ միաժամանակ շեշտելով, որ այս համատեքստում պետք է մի կողմ թողնել բոլոր սուբյեկտիվ մոտեցումները: «Մոռանալ՝ ում ինչ է ձեռք տալիս: Առաջարկում և խնդրում եմ, որ դուք էլ մասնակցեք ոլորտի բարեփոխումներին: Համակարգային որոշ փոփոխությունների մասով պետք է արագ արդյունքներ ունենանք, իսկ գլոբալ համակարգային փոփոխությունները պահանջում են առավել երկարատև, ծավալուն աշխատանք»,- նշել է Թորոսյանը:
Նախարարի փոխանցմամբ՝ եկող տարի առողջապահության ոլորտի բյուջեն աճելու է, ըստ այդմ՝ ավելանալու են նաև հատկացումները ծննդօգնությանը: Այս տարի կլինեն ֆինանսական շտկումներ, մյուս տարի սպասվում են առավել էական փոփոխություններ: Մոր և մանկան առողջության պահպանումը շարունակում է մնալ առաջնահերթ, և ծնելիությունը խթանելու համար մեծ է համակարգային փոփոխությունների դերը:
Ծննդօգնության ոլորտի մասնագետների աշխատանքային քննարկման արդյունքները կամփոփվեն և առաջարկի տեսքով կներկայացվեն նախարարին:
