26.02.2026 | 14:10
Ատելության խոսքի համատեքստում սեքսիզմը զգալի մաս է կազմում. Ռոբերտո Օլլա․ ՏԵՍԱՆՅՈՒԹ
Ողջ Ուկրաինայում օդային տագնապ է, հաղորդվում է ռուսական հրթիռների արձակման մասին
Քաղաքականություն
28.04.2023 | 11:17
Ողջ Ուկրաինայում օդային տագնապ է հայտարարված, մոնիտորինգային ծառայություններն ու լրատվական ռեսուրսները հաղորդում են ռուսական հրթիռների արձակման մասին։ Հայտնում են պայթյունների մասին Դնեպրի տարածաշրջանում, Պոլտավայում և Նիկոլաևում:
BBC-ի լրագրողը հայտնում է, որ Կիևում ևս լսվում են պայթյուններ։ Արդյոք դրանք եղել են հրթիռային հարվածներ, թե հակաօդային պաշտպանության աշխատանք, դեռ հայտնի չէ։ Կիևի քաղաքային ռազմական վարչությունը հայտարարում է, որ հակաօդային պաշտպանությունն է աշխատում քաղաքում։ Բրիտանացի լրագրող Ջեյ Բիչերը Կիևից հայտնում է, որ իր տան վրայով նոր հրթիռ է թռել և անմիջապես խոցվել է։
Ռուսական հրթիռներից մեկը կամ խոցված հրթիռի բեկորներն այս գիշեր հարվածել են Ուման քաղաքի ինը հարկանի բնակելի շենքին՝ ավերելով մի ամբողջ մուտք: Զոհերի մասին տեղեկություններ դեռ չկան։
