15.02.2026 | 14:18
Բռնի տեղահանված անձանց առնչությամբ քննարկումները և հաղորդակցությունը պետք է ունենան բավարար զգայունություն․ Անահիտ Մանասյան
Հոխորտացի՛ք, մո՛ւրճ թափահարեցիք ժողովրդի վրա, Լավրովի առաջ կուռկուռի ձա՛գ դարձաք․ Միքայել Հայրապետյան. ՏԵՍԱՆՅՈՒԹ
Քաղաքականություն
26.04.2023 | 21:02
Եթե ՀՀ-ի և ԼՂ-ի շուրջ ստեղծված այս իրավիճակը դիտարկենք ո՛չ որպես զուտ քաղաքական գործընթաց, ապա ի՞նչ կստացվի, ինչո՞ւ է տասնամյակները, հարյուրամյակները մեկ ստացվում այնպես, որ կանգնում ենք ցեղասպանության, էթնիկ զտումների վտանգի առաջ։ Ընդ որում՝ պատմական օրինաչափությունը չի փոխվում. մի կողմում թուրքն է, այսօր՝ ադրբեջանցին, մյուս կողմում՝ հայը, որy սպասում է, որ ռուսը փրկի։
Factor TV-ին տված հարցազրույցում հանրային գործիչ Միքայել Հայրապետյանն ասում է, որ այս հարյուրամյակների ընթացքում ռուսական կայսրությունը վտանգավոր թակարդ է լարել հայերի համար՝ «բաժանիր, որ տիրես» սկզբունքով, երբ բախումներ են հայերի, թուրքերի միջև հրահրվում։
«Ամո՛թ է մեզ, ռուսը մեզ համար վտանգավոր թակարդ է սարքում, դատապարտում է մեզ կործանման, ուր ինքը փրկիչն է, 200 տարի այս վիճակն է։ Ադրբեջանում հայկական 5-րդ շարասյունը տե՛րը տվեցինք՝ հանուն ԼՂԻՄ-ը ՀՀ-ին միացնելու։ Մենք 20-րդ դարում տանուլ տվող ազգ ենք եղել։ Ծախվել էր մեր էլիտան 20 տարի շարունակ, խաբում էին ժողովրդին, գիտեին՝ ՌԴ-ն դաշնակից չէ։ Ստո՛ւմ էիք, դրսում հոխորտայիք։ Հոխորտում եք ժողովրդի վրա, մուրճ թափահարում, Լավրովի առաջ՝ կուռկուռի ձագ դառնում, երբ ասում է, որ ռուսական դպրոցներ բացվեն Հայաստանում, համաձայնվում եք։ Էլիտան շուռ է եկել գլխի վրա»,- ասաց Միքայել Հայրապետյանը։
Հարցազրույցն ամբողջությամբ՝ տեսանյութում։
Ռոբերտ Անանյան
