25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
Էրդողանի խոսնակը՝ Հայաստան-Թուրքիա հարաբերությունների կարգավորման գործընթացի մասին
Քաղաքականություն
26.04.2023 | 15:16
Թուրքիայի նախագահ Ռեջեփ Թայիփ Էրդողանի մամուլի խոսնակ, գլխավոր խորհրդական Իբրահիմ Քալընը խոսել է Հայաստանի հետ հարաբերությունների կարգավորման գործընթացից, գրում է Hürriyet-ը։
«Եկեք կենտրոնանանք այն ուղղությամբ, թե ինչպես կարող ենք ստեղծել գլոբալ անվտանգության տարածք։ Մենք Հայաստանի հետ հարաբերությունների կարգավորման գործընթաց ենք սկսել։ Եկեք կառուցենք տարածաշրջանում խաղաղության և կայունության միջավայր։ Դա Հայաստանին էլ թույլ կտա տնտեսապես շնչել»,- ասել է Քալընը։
Հավելենք, որ հայ-թուրքական հարաբերությունների կարգավորման գործընթացի շրջանակում նախատեսվում է ամռանը բացել Հայաստան-Թուրքիա սահմանը երրորդ երկրների քաղաքացիների և դիվանագիտական անձնագիր ունեցողների համար։
Էմմա Չոբանյան
